كەز كەلگەن ۇلى ٸس, كٸشكەنتاي قادامداردان باستالادى. ەڭ باستىسى – بٸرٸنشٸ قادامدى جاساۋ. بٷگٸن «قايىرىمدى ٸستەر مارافونىنىڭ» باستالۋىنا ارنالعان ٸس-شارادا اقپارات جەنە قوعامدىق دامۋ مينيسترٸ ايدا بالاەۆا وسىلاي ايتتى, دەپ حابارلايدى قازاقپارات.
«بٷگٸن ايتىلعان بارلىق يگٸ باستامالاردى ٶڭٸرلەردٸڭ ارى قاراي جالعاستىرۋى ماڭىزدى. ٸندەت كەزٸندە ەل حالقىنىڭ جاقسى يگٸ ٸستەردٸڭ جانىنان تابىلاتىنى ايقىن كٶرٸندٸ. بٸزدٸڭ ٷلكەن ۇلت رەتٸندە قالىپتاسقانىمىزدى كٶرسەتتٸ. تەۋەلسٸزدٸكتٸڭ ەڭ باستى قۇندىلىعى دا, باستى ماقساتى دا وسى شىعار. سوندىقتان ٸندەت كەزٸندە حالقىمىز ٶزٸنٸڭ بويىنداعى كەرەمەت قاسيتەتتەردٸ تانىتا الدى. وسى ورايدا بٸر-بٸرٸمٸزگە دەگەن قامقورلىقتى, قايىرىمدىلىقتى, سونداي-اق ەڭ باستىسى, بٸرلەسە جۇمىس ٸستەۋدٸ ٷلكەن جاقسى جولعا قويدىق», - دەدٸ مينيستر «قايىرىمدى ٸستەر مارافونىنىڭ» باستالۋىنا ارنالعان ٸس-شارادا.
بۇل تۇرعىدا ول اقپارات جەنە قوعامدىق دامۋ مينيسترلٸگٸ قوعامدىق ينستيتۋتتارىمەن تىعىز قارىم-قاتىناستا جۇمىس ٸستەۋگە دايىن ەكەنٸن اتاپ ٶتتٸ.
«جالپى يگٸ ٸس-شارالاردىڭ باسىندا بٸرگە بولايىق. بيىل دا «بٸز بٸرگەمٸز» ۇرانىن ارى قاراي جالعاستىرىپ, بٸرگە جۇمىس ٸستەيٸك. 2020 جىل تيٸستٸ نەتيجەلەردٸ كٶرسەتتٸ عوي, ۆولونتەرلٸك ۇيىمداردىڭ سانى ارتتى. بۇل تۇرعىدا ەر باعىتتا ەرٸكتٸلەر ٶز جۇمىسىن كٶرسەتە الدى. سوندىقتان بٷگٸنگٸ ٸس-شارانىڭ باعىتتارى كەڭەيەدٸ دەپ سەنەمٸن. وسى ورايدا جاڭا تۇلعالاردى كٶرەمٸز دەپ سەنەمٸن», - دەدٸ ا. بالاەۆا.
