اۋىر اتلەتيكادان تٶرت دٷركٸن ەلەم چەمپيونى يليا يليننٸڭ سپورتتىق فورماسى اۋكتسيوندا ساتىلادى, دەپ حابارلايدى Sputnik قازاقستان تٸلشٸسٸ.
اۋىر اتلەتتٸڭ سپورتتىق فورماسى اۋتيزممەن اۋىراتىن بالالاردى قولداۋعا ارنالعان XI قىسقى قايىرىمدىلىق ماسكاراد كەشٸنٸڭ اۋكتسيونىندا ساتىلادى. قايىرىمدىلىق بالىن جىل سايىن "بولاشاق" كورپوراتيۆتٸك قورى ۇيىمداستىرادى.
"مەنەن قورعا نە بەرە الاسىڭ دەپ سۇرادى. ارى ويلاپ, بەرٸ ويلاپ, مٷمكٸن مەدالدارىمدى سىيعا تارتسام با ەكەن دەدٸم. بالا كەزدە جەڭٸپ العان ماراپاتتارىم ٶتە كٶپ. بٸراق بۇل تىم قارابايىر بولىپ كٶرٸندٸ. سوندىقتان سپورتتىق فورمامدى بەرەمٸن دەپ شەشتٸم", — دەيدٸ يلين Sputnik قازاقستان مۋلتيمەدييالىق ورتالىعىندا ٶتكەن باسپاسٶز مەسليحاتىندا.
ايتۋىنشا, بۇل ونىڭ بىلايشا ايتقاندا "جاۋىنگەرلٸك فورماسى". 2015 جىلى گروزنىيدا ٶتكەن چەمپيوناتتا كيگەن ەكەن.
"سپورتتىق فورمالارىم ارنايى تٸگٸلەدٸ, ەشبٸر جەردە جوق. مەن ٷشٸن ەر چەمپيونات جەكە بٸر تاريح. وسىنداي فورمانىڭ مەندە ٷشەۋٸ بار. بٸرٸ پرەزيدەنت نۇرسۇلتان نازارباەۆتىڭ مۋزەيٸندە. كەزٸندە لوندون وليمپياداسىن جەڭگەن كەزدە, ٶز قولىمەن سىيعا تارتقان ەدٸم. ەكٸنشٸسٸ الماتىدا ٶتكەن ەلەم چەمپيوناتىندا كيگەن فورمام. بٸراق ونىڭ قايدا ەكەنٸن, شىنىمدى ايتسام, بٸلمەيمٸن", — دەپ كٷلدٸ اۋىر اتلەت.
يليننٸڭ قايىرىمدىلىق اۋكتسيونىنا بەرگەن فورماسىندا سپورتشىنىڭ اتى-جٶنٸ, قولتاڭباسى بار.
ۇيىمداستىرۋشىلاردىڭ ايتۋىنشا, اۋكتسيوندا ساتىلاتىن سپورتتىق فورمانىڭ باستاپقى باعاسى ەزٸرگە بەلگٸسٸز.
"قايىرىمدىلىق شارالارىنا قاتىسۋدان ەشقاشان باس تارتقان ەمەسپٸن. كەرٸسٸنشە, ۇنايدى, مۇنى ەردايىم ايتىپ جٷرەمٸن. قازاقستان ازاماتى رەتٸندە بٸر-بٸرٸمٸزگە قولدان كەلگەنشە كٶمەكتەسۋٸمٸز كەرەك دەپ سانايمىن. ماعان يدەيا ۇنادى, قۋانا-قۋانا كەلٸستٸم", — دەيدٸ ول.
