دٷيسەنبٸدە Tesla كومپانيياسىنىڭ نارىقتىق كاپيتاليزاتسيياسى 1 تريلليون دوللاردان استى. ال كومپانييانىڭ باس ديرەكتورى يلون ماسكتىڭ ەلەم تاريحىنداعى ەڭ باي ادام اتاندى, دەپ حابارلايدى قازاقپارات Forbes جۋرنالىنا سٸلتەمە جاساپ.
Forbes دٷيسەنبٸ كٷنگٸ قور بيرجاسىنىڭ جابىلۋىندا ماسك اكتيۆتەرٸنٸڭ تازا قۇنىن 271,3 ملرد دوللارعا باعالادى, بۇل Tesla اكتسييالارىنىڭ 13 پايىزعا قىمباتتاۋىنا بايلانىستى جۇما كٷنگٸ جابىلۋمەن سالىستىرعاندا شامامەن 41,7 ميلليارد دوللارعا كٶپ. ونىڭ تازا كاپيتالى بٸر كٷندە 41 ميلليارد دوللاردان استام ٶستٸ. يلون ماسكتىڭ دەۋلەتٸ 300 ميلليارد دوللارعا جاقىندادى.
ال سالىستىرا كەتسەك, Amazon كومپانيياسىنىڭ نەگٸزٸن قالاۋشى جەنە بۇرىنعى باس ديرەكتورى دجەفف بەزوس وسى ايدىڭ باسىندا Forbes 400 نۇسقاسى بويىنشا امەريكانىڭ ەڭ باي ادامدارىنىڭ رەيتينگٸسٸندە كٶش باستاعان بولاتىن. ونىڭ بايلىعى 201 ميلليارد دوللارعا باعالاندى. شٸلدەدە بەزوستىڭ دەۋلەتٸ 212 ميلليارد دوللاردان استى.
ايتا كەتەرلٸگٸ, Forbes العاش رەت 1982 جىلى ميللياردەرلەردٸڭ دەۋلەتٸن باقىلاي باستادى. سول كەزدە امەريكاداعى ەڭ باي ادام كەمە ماگناتى دەنيەل ليۋدۆيگ بولدى, ونىڭ بايلىعى 2 ميلليارد دوللار نەمەسە قازٸرگٸ باعامەن 5,5 ميلليارد دوللار بولعان ەدٸ.
Tesla-داعى ماسكتىڭ 21 پايىزدىق ٷلەسٸ (نەسيەلٸك مٸندەتتەمەلەردٸ ەسەپكە الماعاندا) ونىڭ بايلىعىنىڭ نەگٸزگٸ بٶلٸگٸ, بٸراق ول 2002 جىلى قۇرىلعان جەكە SpaceX كومپانيياسىندا مينوريتارلىق ٷلەسكە يە. جاقىندا بيزنەستٸ ينۆەستورلار 74 ميلليارد دوللارعا باعالادى. وڭتٷستٸك افريكادا تۋعان ميللياردەر ٶز بايلىعىنا قاراماستان, سالىستىرمالى تٷردە قاراپايىم جاعدايدا تۇرىپ جاتىر. ماسكتىڭ نەگٸزگٸ رەزيدەنتسيياسى تەحاس شتاتىنىڭ بوكا-چيكا قالاسىندا كٶلەمٸ بٸر بٶلمەلٸ پەتەردەي عانا ٷيدٸ جالعا العان. سول شتاتتا SpaceX ٶزٸنٸڭ Starships عارىش كەمەسٸن شىعارادى. ماسك تەحاستا بٸرجولا قونىستانۋى مٷمكٸن. قازان ايىنىڭ باسىندا Tesla-نىڭ شتاب پەتەرٸن پالو-التودان وستينگە كٶشٸرۋ جوسپارى بار ەكەنٸن جارييالاعان بولاتىن.
