Dúisenbide Tesla kompaniiasynyń naryqtyq kapitalizatsiiasy 1 trillion dollardan asty. Al kompaniianyń bas direktory Ilon Masktyń álem tarihyndaǵy eń bai adam atandy, dep habarlaidy QazAqparat Forbes jýrnalyna silteme jasap.
Forbes dúisenbi kúngi qor birjasynyń jabylýynda Mask aktivteriniń taza qunyn 271,3 mlrd dollarǵa baǵalady, bul Tesla aktsiialarynyń 13 paiyzǵa qymbattaýyna bailanysty juma kúngi jabylýmen salystyrǵanda shamamen 41,7 milliard dollarǵa kóp. Onyń taza kapitaly bir kúnde 41 milliard dollardan astam ósti. Ilon Masktyń dáýleti 300 milliard dollarǵa jaqyndady.
Al salystyra ketsek, Amazon kompaniiasynyń negizin qalaýshy jáne burynǵy bas direktory Djeff Bezos osy aidyń basynda Forbes 400 nusqasy boiynsha Amerikanyń eń bai adamdarynyń reitingisinde kósh bastaǵan bolatyn. Onyń bailyǵy 201 milliard dollarǵa baǵalandy. Shildede Bezostyń dáýleti 212 milliard dollardan asty.
Aita keterligi, Forbes alǵash ret 1982 jyly milliarderlerdiń dáýletin baqylai bastady. Sol kezde Amerikadaǵy eń bai adam keme magnaty Deniel Liýdvig boldy, onyń bailyǵy 2 milliard dollar nemese qazirgi baǵamen 5,5 milliard dollar bolǵan edi.
Tesla-daǵy Masktyń 21 paiyzdyq úlesi (nesielik mindettemelerdi esepke almaǵanda) onyń bailyǵynyń negizgi bóligi, biraq ol 2002 jyly qurylǵan jeke SpaceX kompaniiasynda minoritarlyq úleske ie. Jaqynda biznesti investorlar 74 milliard dollarǵa baǵalady. Ońtústik Afrikada týǵan milliarder óz bailyǵyna qaramastan, salystyrmaly túrde qarapaiym jaǵdaida turyp jatyr. Masktyń negizgi rezidentsiiasy Tehas shtatynyń Boka-Chika qalasynda kólemi bir bólmeli páterdei ǵana úidi jalǵa alǵan. Sol shtatta SpaceX óziniń Starships ǵarysh kemesin shyǵarady. Mask Tehasta birjola qonystanýy múmkin. Qazan aiynyń basynda Tesla-nyń shtab páterin Palo-Altodan Ostinge kóshirý jospary bar ekenin jariialaǵan bolatyn.
