«جەر قويناۋى جەنە جەر قويناۋىن پايدالانۋ تۋرالى» كودەكستٸڭ پەرمەنٸمەن ەلٸمٸزدە مۇناي ٶندٸرۋ كەزٸندە ٸلەسپە گازدى اۋادا جاعۋ مٶلشەرٸ كەيٸنگٸ 15 جىلدا 8 ەسە ازايدى. ٷكٸمەت وتىرىسىندا قر ەنەرگەتيكا مينيسترٸ ماعزۇم مىرزاعاليەۆ وسىنداي مەلٸمەت ۇسىندى, دەپ حابارلايدى قازاقپارات.
«مەملەكەت باسشىسى 2060 جىلعا قاراي كٶمٸرتەگٸ بەيتاراپتىعىنا قول جەتكٸزۋ جەنە پاريج كەلٸسٸمٸ شەڭبەرٸندە الىنعان مٸندەتتەمەلەردٸڭ ورىندالۋىن قامتاماسىز ەتۋ مٸندەتٸن قويدى.
بۇل مٸندەتتەمەلەر 2030 جىلعا قاراي پارنيكتٸك گازدار شىعارىندىلارىن 1990 جىلعى دەڭگەيدەن 15 پايىز قىسقارتۋدى تالاپ ەتەدٸ.
بۇدان باسقا, پرەزيدەنت ٶز جولداۋىندا 10 لاستانعان قالانى گازداندىرۋ جەنە بالامالى ەنەرگييا كٶزدەرٸنە كٶشٸرۋدٸ تاپسىرعان بولاتىن»,- دەدٸ ۆەدومستۆو باسشىسى.
ونىڭ ايتۋىنا قاراعاندا, مينيسترلٸك وسى تاپسىرمالاردى ورىنداۋ ٷشٸن الاۋلاردا گازدى جاعۋعا تىيىم سالۋ, جۇمىس ٸستەپ تۇرعان جىلۋ ەلەكتر ورتالىقتارىن گازعا كٶشٸرۋ, كٶمٸر ستانتسييالارىندا ەڭ وزىق قولجەتٸمدٸ تەحنولوگييالاردى ەنگٸزۋ, جاڭارتىلاتىن ەنەرگييا كٶزدەرٸن دامىتۋ سيياقتى كەشەندٸ شارالار قابىلداپ جاتىر.
«ەكولوگييالىق جاعدايدى جاقسارتۋ ٷشٸن ەنەرگەتيكا مينيسترلٸگٸ زاڭناما بازاسىن جەتٸلدٸرۋ بويىنشا اۋقىمدى جۇمىس اتقاردى. «جەر قويناۋى جەنە جەر قويناۋىن پايدالانۋ تۋرالى» كودەكستٸڭ بابىمەن ٸلەسپە جەنە تابيعي گازداردى الاۋلاردا جاعۋعا تىيىم سالىنىپ وتىر.
سونداي-اق, جەر قويناۋىن پايدالانۋشىلاردىڭ شيكٸ گازدى ٶڭدەۋدٸ دامىتۋ باعدارلامالارىن ەزٸرلەۋ جٶنٸندەگٸ مٸندەتٸ زاڭنامالىق تٷردە بەلگٸلەنگەن.
سونىڭ نەتيجەسٸندە الاۋلاردا جاعىلاتىن گاز كٶلەمٸ 2006 جىلمەن سالىستىرعاندا 8 ەسە ازايدى. 2006 جىلى بۇل كٶرسەتكٸش 3,1 ملرد تەكشە مەتر بولسا, 2020 جىلى 390 ملن تەكشە مەتر بولدى», - دەدٸ ماعزۇم مىرزاعاليەۆ.
