قر ەكٸمشٸلٸك پوليتسييا كوميتەتٸنٸڭ تٶراعاسى ماقسات بايبولوۆ الماتى جەنە نۇر-سۇلتان قالالارىنداعى شەرۋلەر كەزٸندە زارداپ شەككەن ساقشىلار تۋرالى مەلٸمەت بەردٸ, دەپ حابارلايدى قازاقپارات تٸلشٸسٸ.
ورتالىق كوممۋنيكاتسييالار قىزمەتٸندە ٶتكەن بريفينگتە ەكٸمشٸلٸك پوليتسييا كوميتەتٸنٸڭ تٶراعاسى 10-11 ماۋسىم كٷندەرٸ الماتى كٶشەلەرٸندە نە بولعانىن ايتىپ بەردٸ.
«ماۋسىمنىڭ 10-ىنان 11-ٸنە قاراعان تٷنٸندە الماتى قالاسىندا كٶلٸك يەلەرٸ ەنٸ 4 مەترگە دەيٸن جەتەتٸن كولوننا قۇرىپ, تٶلە بي جەنە اباي داڭعىلدارىنداعى جولدى جاۋىپ تاستاعان. وسى كٶشەلەردٸڭ بويىندا جاياۋ ادامدار دا توپتانىپ جٷرٸپ, قيىلىستاردا كٶلٸك كەپتەلٸسٸن تۋعىزىپ, ايقاي-سٷرەڭگە باسقان. كٶبٸ ٶزدەرٸن ٶتە اگرەسسيۆتٸ ۇستادى. ال تٷنگٸ ساعات 1.30-دا «سايران» اۆتوبەكەتٸنٸڭ اۋدانىندا زاڭسىز اكتسيياعا قاتىسۋشى كٶلٸك جول قوزعالىسىن رەتتەپ تۇرعان جول-پاترۋلدٸك پوليتسييا قىزمەتكەرٸن قاعىپ كەتكەن. سالدارىنان پوليتسييا ٶكٸلٸ وڭ اياعىنان جابىق جامباس سىنىعىن الدى. جٷرگٸزۋشٸ قاشپاق بولعانىمەن, قولعا تٷستٸ. وعان قارسى قىلمىستىق كودەكستٸڭ 345 بابى بويىنشا 160 اەك كٶلەمٸندە ايىپپۇل سالۋ نەمەسە 40 تەۋلٸككە قاماۋ جازاسى تاعايىندالۋى مٷمكٸن.
بٸر توپ ادام ماس كٷيٸندە پوليتسييا كٶلٸگٸنٸڭ تەرەزەسٸن تاسپەن شاققان جاعدايلار دا بولدى. زاڭ بۇزعاندار ۇستالدى. زاڭدا مۇنداي ەرەكەتتەر ٷشٸن قىلمىستىق كودەكستٸڭ 293 بابى بويىنشا جازا قاراستىرىلعان. وسى جايتتاردان كەيٸن ايقاي مەن شۋدان ٷرەيلەنگەن قالا تۇرعىندارىنان 1000-نان استام ارىز تٷسكەنٸن ايتۋ كەرەك», - دەيدٸ ماقسات بايبولوۆ.
ونىڭ ايتۋىنشا, ەلەۋمەتتٸك جەلٸ مەسەندجەرلەرٸندە 11-12 ماۋسىم كٷندەرٸ بٸر ۋاقىتتا بٸرنەشە قالادا كٶشە قوزعالىسىنا كەدەرگٸ كەلتٸرۋ ٷشٸن ارانداتۋ اقپاراتتارى تاراعان.
«تٸپتٸ پوليتسييا ٶكٸلدەرٸنە قارسى تۇرۋعا شاقىرۋلار بولدى. بۇعان دەيٸن سونداي شەرۋلەردٸڭ بٸرٸندە جەدەل ەرەكەت ەتۋ جاساعىنىڭ 1 جاۋىنگەرٸنە قارسى ارنايى دايىندالعان باللون قولدانىلىپ, سالدارىنان ەكٸ كٶزٸن كٷيٸك شالعان بولاتىن. بۇدان بٶلەك تاس پەن تاياق لاقتىرۋ وقيعالارى كەزدەستٸ», - دەيدٸ پوليتسييا ٶكٸلٸ.
ماقسات بايبولوۆ پوليتسييا ٶكٸلدەرٸنٸڭ ەرەكەتٸندە زاڭ شەڭبەرٸنەن شىعۋ بولعان جوق دەگەن مەلٸمەت ايتتى.
«تٸپتٸ پوليتسييا ٶكٸلدەرٸنە اشىق كٷش كٶرسەتۋ بولعان كەزدە دە ساقشىلار ارنايى قۇرالداردى قولدانعان جوق. قاماۋعا الىنعان ازاماتار زاڭعا سەيكەس نۇر-سۇلتان جەنە الماتى قالالارىنىڭ, اقمولا, الماتى, قاراعاندى وبلىستارىنىڭ جاقىن اۋداندارىنا ورنالاستىرىلدى. ول ورىنداردىڭ بارلىعىنا تەكسەرۋ جٷرگٸزٸلدٸ. قاماۋداعىلار تاراپىنان ۇستاۋ شارتى مەن ازاپتاۋ فاكتٸلەرٸنە قاتىستى شاعىمدار انىقتالعان جوق. بارلىق قاماۋداعىلار مەديتسينالىق تەكسەرۋدەن ٶتكٸزدٸ. ەشكٸم دەنساۋلىق جاعدايىنا شاعىم ايتپاعان», - دەيدٸ ەكٸمشٸلٸك پوليتسييا باسشىسى.
كوميتەت تٶراعاسى رۇقسات ەلٸلمەگەن شەرۋگە, اكتسييالارعا قاتىسۋ زاڭسىز ەكەنٸن قايتالاي ەسكەرتٸپ, ادامداردىڭ قاۋٸپسٸزدٸگٸن شەكتەيتٸن شارالارعا قاتىسۋ زاڭمەن قۋدالاناتىنىن اتادى.
ايتا كەتسەك, اتالمىش بريفينگ بارىسىندا باس پروكۋراتۋرا ٶكٸلٸ ساپاربەك نۇرپەيٸسوۆ سايلاۋدان كەيٸنگٸ شەرۋلەرگە قاتىسقان ادامداردىڭ قانشاسى قاماۋعا الىنعانى تۋرالى باق ٶكٸلدەرٸنە مەلٸمەت بەرگەن بولاتىن.
