ٸشكٸ ٸستەر مينيسترٸ ەرلان تۇرعىمباەۆتىڭ ايتۋىنشا, ەلدە ادام ساۋداسىنا قاتىستى 107 قىلمىس تٸركەلگەن, دەپ حابارلايدى قازاقپارات.
«ادام ساۋداسىنا قاتىستى قىلمىستى تەرگەۋ تەجٸريبەسٸ جەتٸلدٸرٸلٸپ كەلەدٸ. جىل باسىنان بەرٸ ەلدە مۇنداي ساناتتا 107 قىلمىس تٸركەلدٸ. سوتقا 58 قىلمىستىق ٸس جولداندى. كٶپ جاعدايدا بۇل قىلمىستار ۇيىمداسقان جەنە ترانسۇلتتىق سيپاتقا يە. وسىعان بايلانىستى ۇيىمداسقان قىلمىسقا قارسى كٷرەس دەپارتامەنتٸن قۇرىپ, ونىڭ قۇرىلىمىندا ادام ساۋداسىمەن كٷرەس باسقارماسىن اشۋ كٶزدەلٸپ وتىر», - دەدٸ ەرلان تۇرعىمباەۆ مەملەكەت باسشىسىنىڭ قازاقستان حالقىنا جولداۋىندا ايتىلعان تاپسىرمالارىن ٸسكە اسىرۋ بارىسى تۋرالى ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن مەملەكەت باسشىسى قاسىم-جومارت توقاەۆ ادام ساۋداسىنا قاتىستى مەسەلەگە جەكە توقتالىپ, بۇل باعىتتا تٸركەلەتٸن قىلمىستاردى انىقتاۋ ٷشٸن ناقتى شارالاردى قابىلداۋدى تاپسىرعان بولاتىن.
«ادام قۇقىعىن قورعاۋ – كٷن تەرتٸبٸندە . بۇل مەسەلە بويىنشا تۇراقتى تٷردە جۇمىس جٷرگٸزۋٸمٸز كەرەك. بۇل ادام ساۋداسىمەن كٷرەسكە دە قاتىستى. بۇل رەتتە شەشٸلمەي جاتقان مەسەلە كٶپ. تٸپتٸ جاعداي كٷردەلٸ دەپ تە ايتۋعا بولادى. ادام ساۋداسى تۋرالى حالىقارالىق رەيتينگتەر مەن باياندامالاردا قازاقستاننىڭ جاعدايى ونشا ەمەس. مەن بۇل مەسەلەگە جولداۋدا جەكە توقتالدىم. ەندٸگٸ كەزەكتە بارلىق ۋەكٸلەتتٸ ورگانداردىڭ باتىل ەرٸ ٷيلەسٸمدٸ ەرەكەتٸ كەرەك. قازاقستاننىڭ زاڭناماسىن حالىقارالىق ستاندارتتارعا ساي بەيٸمدەگەن ابزال», - دەدٸ پرەزيدەنت ۇلتتىق قوعامدىق سەنٸم كەڭەسٸنٸڭ وتىرىسىندا.
