ٸشكٸ ٸستەر مينيسترلٸگٸ ازاماتتاردى Telegram مەسسەندجەرٸ ارقىلى جٷزەگە اسىرىلىپ جاتقان الاياقتىقتىڭ جاڭا تٷرٸنەن ساق بولۋعا شاقىردى, دەپ حابارلايدى ult.kz.
Polisia.kz مەلٸمەتٸنشە, قاسكٶيلەر مەملەكەتتٸك ورگانداردىڭ, كومپانييالار مەن ۇيىمداردىڭ باسشىلارىنىڭ اتىن جامىلىپ, قىزمەتكەرلەرگە حابارلاما جٸبەرەدٸ. ول ٷشٸن ولار ناقتى باسشىلاردىڭ فوتوسۋرەتتەرٸ مەن جەكە دەرەكتەرٸن پايدالانىپ, جالعان اككاۋنتتار اشادى.
الاياقتار ديرەكتوردىڭ نەمەسە باسقا دا لاۋازىمدى تۇلعانىڭ اتىنان ۇيىم قىزمەتكەرلەرٸنەن كٶرسەتٸلگەن ەسەپشوتقا شۇعىل تٷردە اقشا اۋدارۋدى, بەلگٸلٸ بٸر قىزمەتتٸڭ اقىسىن تٶلەۋدٸ نەمەسە ٶزگە دە قارجىلىق وپەراتسييالاردى ورىنداۋدى تالاپ ەتەدٸ.
مۇنداي حابارلامالار كٶبٸنە بۋحگالتەرلەرگە, قارجى بٶلٸمٸنٸڭ ماماندارىنا جەنە ۇيىم قاراجاتىنا قول جەتكٸزە الاتىن قىزمەتكەرلەرگە جٸبەرٸلەدٸ.
وسىعان بايلانىستى ٸٸم ازاماتتارعا مىناداي ساقتىق شارالارىن ۇستانۋعا كەڭەس بەرەدٸ:
كٷمەندٸ حابارلاما العان جاعدايدا ەشقانداي اقشا اۋدارماڭىز جەنە قارجىلىق وپەراتسييا جاساماڭىز;
مٸندەتتٸ تٷردە باسشىمەن تەلەفون ارقىلى نەمەسە جەكە سٶيلەسٸپ, تاپسىرمانىڭ راس-ٶتٸرٸگٸن ناقتىلاڭىز;
جٸبەرۋشٸنٸڭ اككاۋنتىن, تەلەفون نٶمٸرٸن جەنە حابارلاما مازمۇنىن مۇقييات تەكسەرٸڭٸز;
كٷمەن تۋىنداسا, حات الماسۋدى توقتاتىپ, بۇل تۋرالى ۇيىم باسشىلىعىنا جەنە جاۋاپتى قىزمەتكەرلەرگە دەرەۋ حابارلاڭىز.
ٸٸم ٶكٸلدەرٸنٸڭ ايتۋىنشا, قاراپايىم ساقتىق پەن قىراعىلىق ازاماتتاردىڭ قارجىسىن قورعاپ, الاياقتاردىڭ ارباۋىنا تٷسۋدٸڭ الدىن الۋعا مٷمكٸندٸك بەرەدٸ.
