قر ٸشكٸ ٸستەر مينيسترٸنٸڭ ورىنباسارى راشيد جاقىپوۆ پوليتسييا بٸرٸنشٸ كەزٸككەن ادامداردى ۇستاپ الدى دەگەن اقپارات شىندىققا جاناسپايتىنىن مەلٸمدەدٸ, دەپ حابارلايدى "ۇلت اقپارات" Sputnik قازاقستان اگەنتتٸگٸنە سٸلتەمە جاساپ.
«بٷگٸندە باق-تىڭ جەنە قوعامنىڭ نازارى الماتىدا ورىن العان رەزونانستىق قىلمىسقا اۋدارىلىپ وتىر. بۇل قىلمىستى جاساعاندار انىقتالىپ, ۇستالدى. قىلمىستىق ٸستٸڭ مەن-جايىن انىقتاۋعا باعىتتالعان تەرگەۋ شارالارى جٷرٸپ جاتىر. سونىمەن قاتار, تيٸستٸ ساراپتامالار دا جاسالۋدا», - دەپ توقتالدى مينيستردٸڭ ورىنباسارى.
جاقىپوۆ ەلەۋمەتتٸك جەلٸلەر مەن باق-تا ۇستالعان كٷدٸكتٸلەرگە قاتىستى تاراپ جاتقان اقپارات شىندىققا جاناسپايتىنىن ايتتى.
"شىندىعىن ايتسام, بٸز ەلەۋمەتتٸك جەلٸ مەن باق-تا تاراعان اقپاراتتاردى وقىپ وتىرامىز. بٸردەن ايتقىم كەلەدٸ, پوليتسييا بٸرٸنشٸ كەزٸككەن ادامدى ۇستاپ الدى دەگەن مەلٸمەتتەر شىندىققا جاناسپايدى. اتالعان قىلمىستى ٶز قولىمەن جاساعاندار ۇستالدى. ولاردىڭ قىلمىسقا قاتىسى بارىن دەلەلدەيتٸن ايعاقتار بار", — دەدٸ ول.
ەسكە سالا كەتەيٸك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
