ٸشكٸ ٸستەر مينيسترٸنٸڭ ورىنباسارى يگور لەپەحا 26 قاراشادا استانادا ٶتكەن زاڭسىز ميتينگكە قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
رەسمي مەلٸمەت بويىنشا, 18 ادام ۇستالىپ, ەكٸمشٸلٸك جاۋاپكەرشٸلٸككە تارتىلعان.
"ولار 15 تەۋلٸككە قاماۋعا الىندى. بۇل "جاراداعى" ٸس-شارادا بارلىعى 300-گە جۋىق ادام بولدى (قورعالجىن تاس جولىنداعى Zhara مەكەمەسٸ - ەسك.). بٸر جارىم ساعاتتان كەيٸن اقورداعا قاراي جٷرۋگە شاقىرعان. ولار سىرتقا شىقتى, ٸس جٷزٸندە ميتينگتٸڭ بارلىق بەلگٸسٸ بار, ٶيتكەنٸ رۋپور, ٷندەۋ, شاقىرۋلار بولدى. ولار اقورداعا قاراي بەت الدى. بٸز ولاردى توقتاتۋعا, جولىن كەسۋگە مەجبٷر بولدىق, ۇيىمداستىرۋشى ۇستالدى. ول 15 تەۋلٸككە ەكٸمشٸلٸك قاماۋعا الىندى", - دەدٸ لەپەحا مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
ونىڭ ايتۋىنشا, ميتينگكە قاتىسۋشىلارعا قاتىستى قىلمىستىق ٸس قوزعالماعان, تەك ەكٸمشٸلٸك قاماۋعا الىنعان.
"بٸز ولاردىڭ تالاپتارىن كٷتكەن جوقپىز, ٶيتكەنٸ زاڭسىز ميتينگ ٶز الدىنا ەكٸمشٸلٸك قۇقىق بۇزۋ بولىپ سانالادى. قازٸر مۇنىمەن اينالىسىپ جاتىرمىز, انىقتايمىز", - دەدٸ مينيستردٸڭ ورىنباسارى زاڭسىز ميتينگٸگە قاتىسۋشىلاردىڭ تالاپتارى تۋرالى سۇراققا جاۋاپ بەرە وتىرىپ.
يگور لەپەحا مۇنداي اكتسييالار ەلٸمٸزدٸڭ باسقا ايماقتارىندا دا ٶتتٸ دەگەن قاۋەسەتتٸ جوققا شىعاردى. الايدا ونىڭ ايتۋىنشا, استاناداعى ميتينگكە استانا تۇرعىندارى عانا ەمەس, باسقا وبلىستاردان كەلگەن ازاماتتار دا قاتىسقان.
