قازاقستاننىڭ ٸشكٸ ٸستەر مينيسترلٸگٸندە اقتاۋداعى دەمحاناداعى جارىلىسقا سەبەپ بولۋ مٷمكٸن نۇسقالار ايتىلدى, - دەپ حابارلايدى Tengrinews.kz تٸلشٸسٸ.
ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ جارىلىس تۋرالى دابىل 7-نەن 8 قاراشاعا قاراعان تٷنٸ تٷسكەنٸن ايتتى. ونىڭ ايتۋىنشا, جارىلىس كەزٸندە كافە جۇمىس ٸستەمەگەن. قىلمىستىق ٸستٸ تەرگەۋ بارىسىندا ٷش گاز باللونى تەركٸلەنٸپ, بٸرنەشە نۇسقاسى ەزٸرلەنٸپ جاتىر. نەگٸزگٸ نۇسقا - اسحاناداعى گاز باللونىنىڭ جارىلۋى.
"بٸرٸنشٸ نۇسقا - قىسقا تۇيىقتالۋ, ەدەتتە ەلەكتر سىمىمەن بايلانىستى, ال ەكٸنشٸسٸ - گاز باللونىنىڭ جارىلۋى. ەزٸرشە وسىنداي ەكٸ نۇسقا بار. بۇل وقيعادا قىلمىستىق سيپاتتاعى نۇسقا الىنىپ تاستالادى. ەدٸلەت مينيسترلٸگٸنٸڭ, سوت ساراپتاماسى ورتالىعىنىڭ ساراپشىلارىمەن جەنە تج قىزمەتكەرلەرٸمەن, ەكٸمدٸك ٶكٸلدەرٸمەن بٸرگە جٷرگٸزٸلٸپ جاتقان وقيعا ورنىن تەكسەرۋ جۇمىستارى ادام ٶلٸمٸ جوق ەكەنٸن, ەشكٸم جاراقات الماعانىن كٶرسەتەدٸ", - دەدٸ ول.
ونىڭ ايتۋىنشا, كەشەن ماڭىندا ورنالاسقان ساۋدا ٷيٸ مەن اسحانا قيراعان.
"بٸرنەشە اۆتوكٶلٸك بٷلٸندٸ, جاقىن ماڭداعى عيماراتتار قيرادى. شىعىندى انىقتاپ جاتىرمىز. زارداپ شەككەندەر جوق, ەشكٸم وسى جارىلىس سالدارىنان اۋرۋحاناعا بارعان جوق. بەينەجازبالار بويىنشا وقيعا ورنىن تەكسەرۋگە جەدەل تەرگەۋ توبى قۇرىلدى. قازٸر زارداپ شەككەن ادامداردىڭ سانىن, ولاردىڭ كٶلٸكتەرٸن, قۇندى زاتتارىن ناقتىلاۋ بويىنشا شارالار قابىلداپ جاتىرمىز. ساۋدا ٷيٸندە دٷكەندەر دە بولدى, وسى باعىتتا جۇمىستى جالعاستىرامىز, جارىلىس سالدارىنان زارداپ شەككەندەردەن ماڭعىستاۋ وبلىسىنىڭ پد-نە نەمەسە 102 تەلەفونى بويىنشا حابارلاسۋدى سۇرايمىن. ٶڭٸردە جەدەل-تەرگەۋ توبى جۇمىس ٸستەيدٸ. بەرٸنەن جاۋاپ الامىز, زالال سوماسىن ناقتىلايمىز, زارداپ شەككەندەرگە قاتىستى قىلمىستىق زاڭنامادا كٶزدەلگەن تەرگەۋ ەرەكەتتەرٸن جٷرگٸزەمٸز", - دەپ قوستى ەدٸلوۆ.
ەسكە سالايىق, 7 قاراشادا كەشكە اقتاۋدا "شەرقالا" كەشەنٸندە ورنالاسقان ەكٸ قاباتتى "ايان" دەمحاناسىندا وقىس جارىلىس بولىپ, نەتيجەسٸندە عيمارات قيراعان ەدٸ. زارداپ شەككەندەر تۋرالى اقپارات جوق
