قازاقستاندىق ەنشٸ ديماش قۇدايبەرگەن مەسكەۋدەگٸ كرەمل ساحناسىندا ەن سالىپ, «نتۆ» ارناسىنىڭ «ورتالىق تەلەۆيدەنيە» باعدارلاماسىندا قوناقتا بولدى, دەپ حابارلايدى "ۇلت اقپارات".
رەسەيگە بارعانى تۋرالى ەنشٸ ينستاگرام پاراقشاسىندا جازدى. «نتۆ» ارناسىنداعى «ورتالىق تەلەۆيدەنيە» باعدارلاماسىندا ماەسترو يگور كرۋتويمەن بٸرگە العاشقى دۋەتتٸڭ تۇساۋكەسەرٸ ٶتتٸ», - دەدٸ د.قۇدايبەرگەن.
بٸرەگەي تەمبرٸمەن ەلەم حالقىن تامساندىرعان ديماشتى وسىلايشا, تاعى بٸر رەسەيلٸك ارنا مويىنداپ وتىر. شوۋدى ەزٸرلەگەندەر ەنشٸنٸڭ داۋىسىنىڭ قۇپيياسىن اشپاق بولادى. رەسەي شوۋ-بيزنەسٸنٸڭ نارىعىنا باتىل قاداممەن ەنگەن ەنشٸ باعدارلاما سوڭىندا كومپوزيتور يگور كرۋتويدىڭ سٷيەمەلدەۋٸمەن «ليۋبوۆ ۋستاۆشيح لەبەدەي» ەنٸن ورىنداپ, كٶپشٸلٸكتٸڭ قوشەمەتٸنە بٶلەندٸ.
«وسى ەننەن كەيٸن سەن سٶيلەي الاسىڭ با?», - دەپ سۇرادى تاڭدانىسىن جاسىرا الماعان باعدارلاما جٷرگٸزۋشٸسٸ ديماشتان.
ٶز كەزەگٸندە كومپوزيتور يگور كرۋتوي ديماشتىڭ «رەسەي پۋبليكاسىن باۋراپ الاتىنىن» ايتىپ ٶتتٸ.
كەيٸن ديماش اتالمىش ەندٸ مەسكەۋدەگٸ كرەمل سارايىندا رەسەي فەدەراتسيياسىنىڭ ٸشكٸ ٸستەر ورگاندارىنىڭ قىزمەتكەرلەرٸ كٷنٸنە ارنالعان كونتسەرتتە شىرقادى.
ايتا كەتەرلٸگٸ, «ليۋبوۆ ۋستاۆشيح لەبەدەي» ەنٸن كومپوزيتور يگور كرۋتوي مەن اقىن ميحايل گۋتسەريەۆ ەيگٸلٸ فرانتسۋز ەنشٸسٸ لارا فابيان ٷشٸن جازعان بولاتىن.
سونىمەن قاتار, ديماشتىڭ ورىنداۋىنداعى «Screaming» ەنٸنە تٷسٸرٸلگەن بەينەبايان رەسەيلٸك «مۋز-تۆ» ارناسىندا كٶرەرمەندەردٸڭ ەڭ كٶپ داۋىسىنا يە بولىپ, «مۋزراسكرۋتكا» باعدارلاماسىندا كٶش باستاعان ەدٸ.
بۇدان بۇرىن, قىركٷيەك ايىندا قازاق ەنشٸسٸ رەسەيدە "جاڭا تولقىن" بايقاۋىندا جەنە "ا-ستۋديو" توبىنىڭ 30 جىلدىق مەرەيتويىنا ارنالعان كونتسەرتتە قوناق رەتٸندە ٶنەر كٶرسەتكەن-تٸن.
ال, 19 قاراشادا قر مەدەنيەت جەنە سپورت مينيسترلٸگٸ مەن قازاقستاننىڭ ۇلىبريتانيياداعى ەلشٸلٸگٸنٸڭ قولداۋىمەن لوندوندا ديماش قۇدايبەرگەننٸڭ كونتسەرتٸ ٶتەدٸ. كونتسەرت بيلەتتەرٸنٸڭ بٸر كٷندە ساتىلىپ كەتكەنٸ دە بەلگٸلٸ.
ەسكە سالا كەتەيٸك, ديماش قۇدايبەرگەن قىتايداعى "I am a singer" بايقاۋىنا قاتىسقاننان كەيٸن ەلەمدە كەڭٸنەن تانىمال بولدى. قازاق بالاسىنىڭ تالانتى ەلەمدٸك جۇلدىزداردى, ونىڭ ٸشٸندە دجەكي چان, لارا فابيان, ال بانو جەنە تاعى باسقالاردى تامساندىردى.
