بٷگٸن قازاقستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸنٸڭ القا وتىرىسى ٶتتٸ. ٸس-شارا اياسىندا قازاقستان رەسپۋبليكاسىنىڭ بٸلٸم جەنە عىلىم مينيسترٸ اسحات ايماعامبەتوۆ ماگيستراتۋرا مەن دوكتورانتۋراعا وقۋعا تٷسۋدٸڭ تالاپتارى ٶزگەرگەننەن كەيٸنگٸ جاعدايدى ايتتى, – دەپ حابارلايدى Baq.kz.
ماگيستراتۋرا مەن دوكتورانتۋراعا تٷسۋدٸڭ تالاپتارىن ٶزگەرتۋ تۋرالى شەشٸمدٸ ٶتكەن جىلى ەنگٸزدٸك. ماگيستراتۋراعا بايلانىستى كٶپ سىن بولعانىن بەرٸ جاقسى بٸلەتٸن جەنە تٷسٸنەتٸن. سەبەبٸ ۋنيۆەرسيتەت باسشىسى تاپسىرمالاردى ٶزٸ دايىنداپ, تەستتٸ ٶزٸ ٶتكٸزٸپ, كەيٸن كوميسسييا قۇرىپ, وقۋعا دا ٶزٸ قابىلدايتىن. ەرينە بۇل جەردەن جوعارى وقۋ ورىندارىنىڭ اكادەمييالىق ەركٸنە, ولاردىڭ شەشٸمدٸ ٶزٸ قابىلداۋى كەرەك دەگەن ترەندكە قاراما-قايشىلىقتى بايقاۋعا بولادى. الايدا بٸز كەي جاعدايدى ورتالىقتان باسقارۋعا مەجبٷرمٸز. بٸز بۇل سالادا جٷيەلٸ تەرتٸپ ورناتقانعا دەيٸن وسىنداي ۋاقىتشا شارالار قولدانا تۇرامىز. بٸز ماگيسترانت تا ۇبت سيياقتى ورتالىقتاندىرىلعان ەمتيحان بولادى, دەپ ايتتىق. وسىنىڭ نەتيجەسٸندە, ٶكٸنٸشكە قاراي, بيىل ماگيسترلارعا ارنالعان بٸرنەشە مىڭ ورىن يگەرٸلمەي قالىپ, ونىڭ اقشاسىن بيۋدجەتكە كەرٸ قايتاردىق. ايتا كەتەيٸن, بۇعان دەيٸنگٸ جىلدارى بٸردە-بٸر ورىن بوس قالماي, بارلىعى يگەرٸلەتٸن ەدٸ, – دەدٸ بٸلٸم مينيسترٸ.
ونىڭ ايتۋىنشا دوكتورانتۋراعا تٷسۋ ەرەجەلەرٸ ٶزگەرگەننەن كەيٸن تٷسۋشٸلەر سانى ازايعان.
كەزٸندە, سوۆەت وداعى تۇسىندا, ديسسەرتاتسييا قورعاعىسى كەلەتٸندەر ٷشٸن كانديداتتىق مينيمۋم بولاتىن, ونىڭ اراسىندا تٸل بويىنشا (فرانتسۋز, نەمٸس, اعىلشىن تٸلٸ) ەمتيحان دا بار ەدٸ. وعان بارلىعى ٷيرەنٸپ قالعان ەدٸ. بٸزدە دە دوكتورانتۋراعا تٷسۋ ٷشٸن اعىلشىن تٸلٸن ۇلتتىق تەست ورتالىعىندا تاپسىرعان ەدٸ. ەشكٸم نارازى بولماي, تاپسىرىپ, وقۋعا تٷسەتٸن. 2019 جىلى بٸز ۇلتتىق تەست ورتالىعى جٷرگٸزەتٸن تەستتەن باس تارتتتىق. سەبەبٸ بٸزدە ونىڭ ساپاسىنا قاتىستى كٷمەن بولدى. ادامدار وقۋعا تٷسكەن كەزدە 100 بالل الادى, ال شىنىندا اعىلشىنشا ەكٸ سٶزدٸڭ باسىن قۇراي المايدى. وسىدان كەيٸن بٸز تەك حالىقارالىق سەرتيفيكات (IELTS, TOEFL جەنە ت.ب.) تالاپ ەتەتٸن بولدىق. بٸز تالاپ ەتكەن Intermediate دەڭگەيٸ دە اسا جوعارى ەمەس ەدٸ. الايدا كٶپ ادامنىڭ وقۋعا تٷسە الماعانىن كٶردٸك. سوندىقتان بۇل ساياساتتى بٸز ارى قاراي دا جالعاستىراتىن بولامىز, – دەدٸ اسحات ايماعامبەتوۆ.
