نۇرسۇلتان نازارباەۆ حالىقارالىق ەۋەجايىنا جاڭا ٷش ەرٸپتٸ كود بەرٸلدٸ, دەپ حابارلايدى قر ييدم ازاماتتىق اۆياتسييا كوميتەتٸنٸڭ باسپاسٶز قىزمەتٸ.
ۆەدومستۆو تاراتقان مەلٸمەتكە ساي, 2014 جىلدان باستاپ قازاقستان حالىقارالىق ەۋە كٶلٸگٸ قاۋىمداستىعى (IATA) تاعايىنداعان نۇر-سۇلتان ەۋەجايىنىڭ ٷش ەرٸپتٸك كودىن ٶزگەرتۋ بويىنشا جۇمىس جٷرگٸزٸلگەن.
بٷكٸل ەلەم بويىنشا ەۋەجايلارعا بٸر رەت جەنە تۇراقتى نەگٸزدە كود بەرۋ جٶنٸندەگٸ IATA قاعيدالارىنا قاراماستان, قازاقستاندىق تاراپ ٶز ماقساتىنا قول جەتكٸزدٸ.
«IATA ٶكٸلدەرٸمەن بٸرلەسٸپ ەۋەجايلاردىڭ كودتارىن تاعايىنداۋ جەنە ٶزگەرتۋ بويىنشا IATA تەسٸلدەرٸنە ٶزگەرٸس ەنگٸزۋ تۋرالى شەشٸم قابىلداندى. بۇل ٶزگەرٸستەر 2019 جىلدىڭ 14 قازانىندا ۆارشاۆا قالاسىندا (پولشا) IATA-نىڭ بارلىق مٷشەلەرٸنٸڭ قاتىسۋىمەن جولاۋشىلار تاسىمالى ستاندارتتارى (Passenger Standards Meeting) كەزدەسۋٸندە قولداۋ تاپتى» دەپ حابارلادى ۆەدومستۆو.
وسى كەلٸسٸمگە ساي, 2020 جىلدىڭ 8 ماۋسىمىنان باستاپ نۇرسۇلتان نازارباەۆ حالىقارالىق ەۋەجايىنا NQZ جاڭا كودى بەرٸلدٸ, ول بارلىق برونداۋ جٷيەلەرٸندە, وتىرعىزۋ تالوندارىندا, باگاج بيركالارىندا جەنە اقپاراتتىق تابلودا كٶرسەتٸلەتٸن بولادى.
