حالىقارالىق Human Rights Watch (HRW) ادام قۇقىعىن قورعاۋ ۇيىمى مەسكەۋ اننەكسييالاپ العان قىرىمدا رەسەي بيلٸگٸ تۇرعىنداردى ەسكەرگە شاقىرىپ, حالىقارالىق قۇقىقتى بۇزىپ وتىر دەپ مەلٸمدەدٸ.
"[قىرىمدى] جاۋلاپ العان رەسەيدٸڭ جەرگٸلٸكتٸ تۇرعىنداردى ەسكەرگە شاقىرۋىنا قۇقىعى جوق, ونىڭ ەرەكەتٸ حالىقارالىق قۇقىققا قايشى. رەسەي بيلٸگٸ سونىمەن بٸرگە قارۋلى كٷشتەر قاتارىندا ەسكەري بورىشىن ٶتەۋدەن باس تارتقان ادامداردى قىلمىستىق جاۋاپكەرشٸلٸككە تارتىپ, قۇقىق بۇزىپ جاتىر" دەدٸ HRW ۇيىمىنىڭ ەۋروپا جەنە ورتالىق ازييا جٶنٸندەگٸ ديرەكتورى حيۋ ۋيليامسون.
ۇيىم ٶكٸلدەرٸنٸڭ ايتۋىنشا, IV جەنەۆا كونۆەنتسيياسىنا سەيكەس, وككۋپاتسييا جاساعان مەملەكەت جاۋلاپ الىنعان اۋماق تۇرعىندارىن قارۋلى نەمەسە قوسىمشا كٷشتەردە قىزمەت ەتۋگە مەجبٷرلەي المايدى.
2014 جىلى رەسەي ۋكراينانىڭ قىرىم تٷبەگٸن جاۋلاپ الىپ, باقىلاۋ ورناتتى. حالىقارالىق قاۋىمداستىق قىرىمدى ۋكراينا اۋماعى دەپ سانايدى.
مەسكەۋ بۇعان قوسا, ۋكراينا شىعىسىنداعى قارۋلى قاقتىعىس كەزٸندە سەپاراتيستەردٸ قولدادى. 2014 جىلدىڭ سەۋٸر ايىنان بەرٸ بۇل قاقتىعىستان 13 مىڭنان استام ادام قازا تاپقان.
