الماتىدا Halyk Arena سپورت كەشەنٸ بازاسىندا كوروناۆيرۋستىق ينفەكتسييامەن اۋىرعاندارعا ۋاقىتشا گوسپيتال اشىلادى. قازٸر سپورت سارايىندا دايىندىق جۇمىستارى جٷرٸپ جاتىر, دەپ حابارلايدى قازاقپارات.
«Halyk Arena بازاسىندا ينفەكتسييالىق ستاتسيونار ورىندارىن اشۋ مەجبٷرلٸكتەن تۋعان شەشٸم. اۋرۋحانالاردا ورىن جەتپەگەندٸكتەن, وسىنداي قادامعا بارىپ وتىرمىز. وسىنداي قيىن ۋاقىتتا قالا قىزمەتتەرٸنە كٶمەك كٶرسەتۋٸمٸز كەرەك. بۇل شارا كٶپتەگەن ازاماتتاردىڭ ٶمٸرٸن ساقتاپ قالۋعا كٶمەكتەسەدٸ دەپ سەنەمٸز», - دەدٸ سپورت سارايىنىڭ «M-Line Property Management» باسقارۋشى كومپانيياسىنان.
قازٸر سپورت سارايىندا جۇمىس ٸستەپ تۇرعان سپورت سەكتسييالارى, Halyk Arena كەشەنٸن جالعا الۋشىلار ۋاقىتشا Almaty Arena كەشەنٸنە كٶشەدٸ. «سپورتشىلارعا دايىندىق كەزەڭٸن ٷزۋگە بولمايدى. سوندىقتان, سپورت كەشەنٸن جالعا الۋشىلاردىڭ Almaty Arena كەشەنٸنە كٶشۋٸن قاراستىرۋدى سۇرادىق», - دەدٸ ولار.
باسقارۋشى كومپانييا ٶكٸلدەرٸ سپورت كەشەنٸن ٶزگەرتۋگە بارىنشا مۇقييات بولعانىن ايتتى.
«سپورت نىسانىن گوسپيتالگە اينالدىرۋ تەك ورىن بوساتۋ ەمەس, قاجەتتٸ ميكروكليمات جاساۋ, سانيتارلىق ايماقتار تٷزۋ, بٶلمەلەردٸڭ جەلدەتٸلۋٸن, تازالىعىن قامتاماسىز ەتۋ بولىپ وتىر. باسقارۋشى كومپانييا سپورت نىسانىنىڭ قايتا ٶز پروفيلٸنە ەشبٸر نۇقسانسىز اۋىسۋىنا كەپٸل بولادى», - دەدٸ كومپانييادان.
ايتا كەتۋ كەرەك, بۇعان دەيٸن قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ الماتىدا كوروناۆيرۋس بويىنشا ەپيدەميولوگييالىق احۋال كٷرت ناشارلاسا, HalykArena جەنە الماتى Arena سپورت كەشەندەرٸ بازاسىندا ينفەكتسييالىق ستاتسيونار اشىلاتىنىن حابارلاعان بولاتىن.
