قىزىلوردا وبلىسىنىڭ ەكٸمٸ گٷلشارا ەبدٸقالىقوۆا وبلىس جۇرتشىلىعىنا ٷندەۋ جارييالادى, دەپ حابارلايدى قازاقپارات تٸلشٸسٸ.
وبلىس ەكٸمٸ ٶز ٷندەۋٸندە:
«ٶزدەرٸڭٸزگە بەلگٸلٸ, مەملەكەت باسشىسى قاسىم-جومارت كەمەلۇلى توقاەۆ ەلٸمٸزدە كورونوۆيرۋس ٸندەتٸنٸڭ تارالۋىنا بايلانىستى تٶتەنشە جاعداي جارييالادى. وسىعان بايلانىستى بٸزدٸڭ وبلىستا دا قاۋٸپسٸزدٸك شارالارى كٷشەيتٸلدٸ. بٷگٸنگٸ كٷنگە دەيٸن ٶڭٸردە 318 ادام كارانتيننەن ٶتتٸ. مەملەكەتتٸك مەكەمە ماماندارى, دەرٸگەرلەر كٷشەيتٸلگەن رەجيمدە جۇمىس ٸستەۋدە. سوندىقتان ولاردى قولداپ, ەڭبەكتەرٸنە قۇرمەتپەن قاراۋعا شاقىرامىن. دەگەنمەن, ايماقتا «COVID-19» ۆيرۋسىن جۇقتىرعان 5 قازاقستاندىق انىقتالىپ وتىر. بۇل جاعداي تۇرعىنداردىڭ قاۋٸپسٸزدٸگٸن قامتاماسىز ەتۋگە باعىتتالعان قاتاڭ شارالاردى قابىلداۋدى تالاپ ەتەدٸ», - دەپ اتاپ ٶتتٸ.
ايتا كەتەيٸك, قىزىلوردا وبلىسى باس سانيتار دەرٸگەرٸنٸڭ 30 ناۋرىزداعى №4 قاۋلىسىمەن 31 ناۋرىز ساعات 00:00-دەن باستاپ قىزىلوردا قالاسىنا كٶلٸكتٸڭ بارلىق تٷرلەرٸنٸڭ كٸرٸپ-شىعۋىنا تىيىم سالىنادى. تەمٸرجول قاتىناسىنا شەكتەۋ 1 سەۋٸردەن باستالادى.
«وبلىس تۇرعىندارىنان سۇرايتىنىم, شەكتەۋ تالاپتارىن قاتاڭ ساقتاۋعا تيٸسپٸز. قوعامدىق ورىنداردا سەرۋەندەۋدٸ دوعارىپ, ٷيدەن شىقپاي, دەرتتەن وقشاۋلانعان جٶن. قازٸر كەز كەلگەن ادام ۆيرۋس جۇقتىرۋى ىقتيمال. ال قاۋلى ەرەجەسٸن بۇزعاندارعا زاڭ اياسىندا شارالار قولدانىلادى. ٶڭٸردە كوروناۆيرۋس دياگنوزىمەن اۋرۋحاناعا تٷسكەن ەڭ العاشقى ناۋقاستىڭ مەسەلەسٸنە كەلسەك, قىزمەتتٸك تەكسەرٸس جٷرگٸزٸلۋدە. قاۋٸپتٸ ٸندەت بەلگٸلەرٸنٸڭ نەلٸكتەن كەش انىقتالعانى قارالادى», - دەپ تٷيٸندەدٸ سٶزٸن گٷلشارا ەبدٸقالىقوۆا.
ەسكە سالا كەتەيٸك, قىزىلوردادا 28 ناۋرىزدا كوروناۆيرۋس جۇقتىرعان العاشقى ادام تٸركەلسە, 29 ناۋرىزدا ول ناۋقاسپەن قارىم-قاتىناستا بولعان مەدبيكەدەن دە سول دياگنوز ناقتىلاندى. بٷگٸن كوروناۆيرۋس جۇقتىرعان تاعى ٷش ناۋقاس انىقتالدى.
