ۋكراينا پرەزيدەنتٸ ۆلاديمير زەلەنسكيي گرۋزييادا بۇرىنعى پرەزيدەنت ميحايل سااكاشۆيليدٸڭ ۇستالعانىنا الاڭداۋشىلىق بٸلدٸردٸ. كيەۆ تبيليسيدٸ "ۋكراينا ازاماتىن ۇستاپ, قاماۋىنىڭ سەبەبٸن" تٷسٸندٸرۋگە شاقىردى, دەپ جازادى ازاتتىق.
ال جۇما كٷنٸ ۇستالعان سااكاشۆيليدٸڭ Facebook پاراقشاسىندا ۋكراينا دەپۋتاتى ەليزاۆەتا ياسكومەن اراداعى قارىم-قاتىناسى جٶنٸندە حابارلاما شىقتى. "بٸز بۇل ۆيدەونى گرۋزيياعا كەتپەي تۇرىپ جازدىق. گرۋزييا مەن ۋكراينا بٸرگە. قامالعان جاعدايدا جارييالايمىز دەپ كەلٸسكەنبٸز" دەلٸنگەن ۆيدەو سيپاتتاماسىندا.
"ليزا ەكەۋٸمٸز جاڭا ٶمٸر, جاڭا وتباسىن قۇراتىنىمىزدى حابارلاۋدى جٶن كٶردٸك" دەدٸ سااكاشۆيلي ۆيدەودا.
جۇما, 1 قازاندا گرۋزييا پرەمەر-مينيسترٸ يراكليي گاريباشۆيلي شۇعىل بريفينگ ٶتكٸزٸپ, ەلدٸڭ ٷشٸنشٸ پرەزيدەنتٸ ميحايل سااكاشۆيليدٸڭ ارنايى وپەراتسييا كەزٸندە ۇستالعانىن حابارلادى.
گاريباشۆيليدٸڭ ايتۋىنشا, گرۋزين ارنايى جاساعى بۇرىنعى پرەزيدەنتتٸڭ ۋكراينادان گرۋزيياعا قاراي جول تارتۋىن اڭدىپ, ٸزٸنە تٷسكەن. ارتىنشا رۋستاۆي تٷرمەسٸنە قاماعان.
كٶپ كەشٸكپەي سااكاشۆيليدٸڭ اشتىق جارييالاپ, ۋكراينا ەلشٸسٸمەن كەزدەسۋدٸ تالاپ ەتكەنٸ بەلگٸلٸ بولدى. بۇل جٶنٸندە گرۋزييا ومبۋدسمەنٸ نينو لومدجارييا مەلٸمدەدٸ.
جۇما كٷنٸ سااكاشۆيلي قامالعاننان كەيٸن ونىڭ شىنىمەن دە باتۋميدە بولعانى راستالدى. 1 قازاندا تاڭەرتەڭ ونىڭ گرۋزيياعا ورالعانى جايلى ۆيدەوٷندەۋ تاراعان. ونىڭ ەلگە قالاي كەلگەنٸ بەلگٸسٸز. ٸٸم باستاپقىدا ەكس-پرەزيدەنتتٸڭ شەكارادان ٶتپەگەنٸن مەلٸمدەگەن.
سااكاشۆيلي سەگٸز جىلدان سوڭ ەلگە ورالىپ وتىر.
2013 جىلى تبيليسي سوتى ونى "قىزمەتتٸك ٶكٸلەتٸن اسىرا پايدالانعانى ٷشٸن" سىرتتاي 6 جىلعا باس بوستاندىعىنان ايىرعان. وسى اپتادا گرۋزييا بيلٸگٸ ەلگە ورالسا, ونىڭ تٷرمەگە قامالاتىنىن ەسكەرتكەن.
سااكاشۆيلي گرۋزيياعا كەلمەي تۇرىپ جارييالاعان ۆيدەوٷندەۋلەرٸندە حالىقتى 2 قازاندا استانا ورتالىعىنا جينالۋعا شاقىرعان. سەنبٸ كٷنٸ گرۋزييادا جەرگٸلٸكتٸ ورگان سايلاۋى ٶتەدٸ.
جەكسەنبٸ كٷنٸ ەلدە سااكاشۆيليدٸ قولداعان ٸرٸ ميتينگ ٶتەتٸنٸ جايلى حابار تارادى.
