تبيليسيدە مىڭداعان ادام گرۋزييانىڭ بۇرىنعى پرەزيدەنتٸ ميحايل سااكاشۆيليدٸ قولداپ, كٶشەگە شىقتى, دەپ حابارلايدى "ۇلت اقپارات" ازاتتىق راديوسىنا سٸلتەمە جاساپ.
قازان ايىنىڭ باسىندا پوليتسييا ونى ەلٸنە كەلگەن سەتتە ۇستاپ, تٷرمەگە وتىرعىزعان.
باق مەلٸمەتٸنشە, ميتينگٸگە شامامەن 50 مىڭ ادام قاتىسقان. ولاردىڭ بٸرقاتارى قولىنا "ميشاعا بوستاندىق" جەنە "ساياسي قۋدالاۋعا جول جوق" دەگەن پلاكاتتار ۇستاپ تۇردى. دەمونستراتسييا ٶتپەي تۇرىپ پارلامەنت ماڭىنا ارنايى جاساق مٸنگەن اۆتوبۋستار قويىلدى.
كٶشەگە شىققان حالىق سااكاشۆيليدٸ بوساتۋدى تالاپ ەتٸپ, قازٸرگٸ ٷكٸمەتتٸ سىنعا الدى.
سااكاشۆيلي 2018 جىلى گرۋزييادا سىرتتاي سوتتالعان. سونىمەن بٸرگە وعان قاتىستى ٷش بٸردەي قىلمىستىق ٸس قوزعالعان. قازٸر تٷرمەدە وتىرعانەكس-پرەزيدەنت اشتىق جارييالادى. ول قىركٷيەكتە ٶزٸن تٷرمە كٷتٸپ تۇرعانىنا قاراماستان "ەلدٸ قۇتقارۋ ٷشٸن" گرۋزيياعا باراتىنىن ايتقان.
قازاننىڭ باسىندا ٶتكەن جەرگٸلٸكتٸ سايلاۋ كەزٸندە سااكاشۆيلي نەگٸزٸن قالاعان ەلدەگٸ نەگٸزگٸ وپپوزيتسييالىق كٷش – "بٸرتۇتاس ۇلتتىق قوزعالىس" باسقارۋشى "گرۋزين ارمانى" پارتيياسىنان جەڭٸلگەن. الايدا بيلٸك پارتيياسى تبيليسي, باتۋمي, كۋتايسي, پوتي جەنە رۋستاۆي سيياقتى نەگٸزگٸ قالالاردا 50-پايىزدىق مەجەنٸ باعىندىرا المادى. بۇل قالالاردا سايلاۋدىڭ ەكٸنشٸ تۋرى 30 قازاندا ٶتەدٸ.
بىلتىر وپپوزيتسييالىق پارتييالار "گرۋزين ارمانى" جەڭگەن پارلامەنت سايلاۋىنىڭ ەدٸل بولماعانىن ايتقاننان كەيٸن ەلدە ساياسي داعدارىس ۋشىققان.
گرۋزييانى 2004-2013 جىلدارى باسقارعان سااكاشۆيلي 2018 جىلى ەكٸ ٸس بويىنشا بەرٸن قوسقاندا 9 جىلعا باس بوستاندىعىنان ايىرىلدى. ەكس-پرەزيدەنت بارلىق ايىپتى جوققا شىعارىپ, ٸستٸڭ ساياسي استارى بارىن ايتقان.
10 قازاندا سااكاشۆيليدٸڭ دەرٸگەرٸ نيكولوز كيپشيدزە بۇرىنعى پرەزيدەنتتٸڭ جاعدايى ناشارلاعاندىقتان ونى اۋرۋحاناعا اۋىستىرۋ قاجەتتٸگٸن ايتقان. كەيٸن ەدٸلەت مينيسترلٸگٸ سااكاشۆيليدٸڭ جاعدايى "ورتاشا" دەپ مەلٸمدەدٸ.
