گرۋزييادا ٶز-ٶزٸنە قول جۇمساپ قايتىس بولعان جەرلەسٸمٸز ەسەل ايتباەۆانىڭ ٸسٸنە قاتىستى سوت شەشٸمٸ شىقتى, دەپ حابارلايدى قازاقپارات.
«2022 جىلعى 2 تامىزدا نۇر-سۇلتان قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا م-گە قاتىستى جەبٸرلەنۋشٸنٸڭ دەرمەنسٸز كٷيٸن پايدالانىپ زورلاۋ (قك-تٸڭ 120-بابىنىڭ 1-بٶلٸمٸ), سونداي-اق ابايسىزدا جەبiرلەنۋشi ا.-نىڭ ٶلٸمٸنە ەكەپ سوققان ادامدار توبىنىڭ الدىن الا سٶز بايلاسۋىمەن ادامدى ساتۋ فاكتٸسٸ بويىنشا ايىپتاۋ ٷكٸمٸ شىعارىلدى (قك-تٸڭ 128-بابىنىڭ 2-بٶلٸمٸ 4-تارماعى)», - دەپ حابارلايدى ەلوردا سوتىنان.
سوتتا انىقتالعانداي, م جەبٸرلەنۋشٸ ا-عا گرۋزييادا 500 اقش دوللار جالاقى تٶلەيتٸن جۇمىس ۇسىنىپ, اتالعان ەلگە بارۋىنا كٶمەكتەسكەن.
«ايىپتى م جەبٸرلەنۋشٸ ا-نىڭ ۇيقىلى-وياۋ كٷيٸن جەنە دەرمەنسٸزدٸگٸن پايدالانىپ ونى زورلاعان. ودان كەيٸن م جەبٸرلەنۋشٸنٸ جىنىستىق قاتىناسقا مەجبٷرلەۋ ارقىلى پايدا تابۋ ماقساتىندا گرۋزييا ازاماتى ب-عا تاپسىرعان. سودان سوڭ جەبٸرلەنۋشٸ ا زورلىق-زومبىلىقتان قۇتىلۋ ٷشٸن 9 قاباتتان سەكٸرٸپ, مەرت بولدى», - دەيدٸ ۆەدومستۆودان.
حابارلامادا ايتىلعانداي, پروكۋرور سوتتالۋشىعا زورلاۋ فاكتٸسٸ بويىنشا (قك-تٸڭ 120-بابىنىڭ 1-بٶلٸمٸ) 5 جىلعا جەنە ادامدى ساتۋ فاكتٸسٸ بويىنشا (قك-تٸڭ 128-بابىنىڭ 2-بٶلٸمٸ 4-تارماعى) 11 جىل 3 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى.
وسىلايشا كەنٸلٸنٸ جالپى مەرزٸمٸ 15 جىلعا باس بوستاندىعىنان ايىرا وتىرىپ, جازاسىن ماكسيمالدى قاۋٸپسٸزدٸكتەگٸ مەكەمەدە ٶتەۋ ۇسىنىلدى.
دەگەنمەن سوت حابارىندا جازىلعانداي جەبٸرلەنۋشٸنٸڭ ٶكٸلدەرٸ 15 جىل ەمەس 20 جىلعا باس بوستاندىعىنان ايىرۋدى تالاپ ەتكەن. سونىمەن قاتار سوتتا ٸستٸ بولعان م ٶزٸنە تاعىلعان ايىپتى مويىنداماعان.
«سوتتالۋشىنىڭ ادۆوكاتى قورعاۋشىسىنىڭ ٸس-ەرەكەتٸندە قىلمىس قۇرامىنىڭ بولماۋىنا بايلانىستى ونى اقتاۋدى سۇرادى. دەگەنمەن ونىڭ كٸنەسٸ كۋەلاردىڭ تٷسٸنٸگٸمەن, اۋديو جەنە بەينە حابارلامالارمەن, ساراپتاما قورىتىندىلارىمەن جەنە ٸستٸڭ باسقا دا ماتەريالدارىمەن دەلەلدەندٸ», - دەلٸنگەن رەسمي اقپاراتتا.
وسى ورايدا ەلوردا سوتىنان زاڭ تالاپتارىن باسشىلىققا الۋ مٸندەتتٸ ەكەنٸ حابارلاندى.
«قر قىلمىستىق كودەكسٸنٸڭ 120-بابى 1-بٶلٸمٸنٸڭ سانكتسيياسى 5 جىلدان 8 جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ جەنە اۋىر قىلمىس ساناتىنا جاتادى. وسى باپ بويىنشا م.-گە 5 جىل 3 ايعا باس بوستاندىعىنان ايىرۋ جازاسى تاعايىندالدى. قىلمىستىق كودەكستٸڭ 128-بابى 2-بٶلٸمٸ 4-تارماعىنىڭ سانكتسيياسى مٷلكٸن تەركٸلەي وتىرىپ 7 جىلدان 9 جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ جەنە بۇل دا اۋىر قىلمىس رەتٸندە سانالادى. اتالعان باپ بويىنشا م.-گە 11 جىل 3 ايعا باس بوستاندىعىنان ايىرۋ جازاسى تاعايىندالدى», - دەگەن شەشٸم شىعاردى ەلوردا سوتى.
زاڭعا سەيكەس جازانىڭ ماكسيمالدى مەرزٸمٸن اۋىر قىلمىستار بويىنشا 2/3, اسا اۋىر قىلمىستار بويىنشا ¾ اسىرۋعا جاتپايدى.
«وسىعان بايلانىستى سوت قىلمىستىق زاڭنىڭ تالاپتارى شەڭبەرٸندە سوتتالۋشىعا ماكسيمالدى جازانى تاعايىندادى. م 15 جىلعا باس بوستاندىعىنان ايىرۋعا سوتتالدى. ٸس بويىنشا جاۋاپتىلىق پەن جازانى اۋىرلاتاتىن مەن-جايلار انىقتالمادى. جەڭٸلدەتەتٸن مەن-جاي رەتٸندە م.-نىڭ اسىراۋىندا جاس بالالارىنىڭ بار بولۋى ەسكەرٸلدٸ», - دەپ تولىقتىردى ۆەدومستۆودان.
ٷكٸم زاڭدى كٷشٸنە ەنگەن جوق.
ەسكە سالايىق, ٶتكەن جىلدىڭ 5 مامىرىندا گرۋزييادا 26 جاستاعى ەسەل ايتباەۆانىڭ دەنەسٸ تابىلعان بولاتىن. ٶلٸم الدىندا ول دوسىنا اۋديو حابارلاما جٸبەرٸپ ٷلگەرگەن. اۋديودا ەر ادامنىڭ ونى زورلىقپەن قورقىتىپ جاتقانى جازىلعان.
گرۋزييا پروكۋراتۋراسى بويجەتكەننٸڭ زورلانعانىن مەلٸمدەدٸ. كٷدٸكتٸ – 56 جاستاعى بەسيك توردۋا كەلەسٸ كٷنٸ ۇستالدى. ول زورلاۋ جەنە ٶزٸن-ٶزٸ ٶلتٸرۋگە يتەرمەلەگەنٸ ٷشٸن 8 جىلدان 10 جىلعا دەيٸن باس بوستاندىعىنان ايىرىلۋى مٷمكٸن ەدٸ. الايدا توردۋا كەيٸن تٷرمە اۋرۋحاناسىندا قايتىس بولدى.
گرۋزييانىڭ باس پروكۋراتۋراسى تاعى بٸر كٷدٸكتٸگە – ەسەلدٸڭ تۋىسى مۇرات مەيٸربەكوۆكە دە ايىپ تاققان. ونى نۇر-سۇلتان پوليتسيياسى بيىل 16 مامىردا ۇستاعان ەدٸ. مەيٸربەكوۆ قىزدى جۇمىسقا تۇرعىزۋ سىلتاۋىمەن ونى گرۋزييادا ەكسپلۋاتاتسييالاۋ ايىبىنا ٸلٸككەن.
