فوتو: BBC
رەسەي ٶزٸن رەسپۋبليكا دەپ جارييالاپ العان ابحازييا مەن وڭتٷستٸك وسەتييادان كەتۋگە تيٸس. گرۋزييا پرەزيدەنتٸ سالومە زۋرابيشۆيلي وسىلاي دەپ مەلٸمدەدٸ. بۇل تۋرالى ازاتتىق راديوسى حابارلايدى.
ونىڭ ويىنشا, رەسەي ۋكرايناداعى سوعىستا جەڭٸلٸسكە ۇشىراپ جاتىر. سوعىس اياقتالعان سوڭ, ۋكراين عانا ەمەس, گرۋزين جەرٸن دە قايتارىپ بەرۋگە تيٸس.
زۋرابيشۆيليدٸڭ سٶزٸنەن Bloomberg اگەنتتٸگٸ ٷزٸندٸ كەلتٸردٸ.
"ٸس جٷزٸندە رەسەي بارلىق جاعىنان جەڭٸلدٸ. گرۋزين مەسەلەسٸ دە كەلٸسسٶز ٷستەلٸندە كٶتەرٸلۋٸ كەرەك. رەسەي ٶز شەكاراسىن مويىنداۋى قاجەت" - دەدٸ ول.
گرۋزييا باسشىسى باتىس قاۋىمداستىعىن رەسەي پرەزيدەنتٸ ۆلاديمير پۋتيننەن ەسكەرٸن ۋكراينانىڭ ەلەم مويىنداعان اۋماعىنان ەكەتۋدٸ تالاپ ەتۋگە شاقىردى. "ەيتپەسە باتىس 2008 جەنە 2014 جىلدارداعىداي تاعى قاتەگە ۇرىنۋى ىقتيمال" دەدٸ پرەزيدەنت.
ەسكە سالايىق, وڭتٷستٸك وسەتييا مەن ابحازييا گرۋزين سسر-ٸ قۇرامىندا بولعان. 1990 جىلدارى ەكٸ اۋماق ٶز تەۋەلسٸزدٸگٸن جارييالاعانىمەن, گرۋزييا ونى مويىندامادى. 2008 جىلى گرۋزييامەن "بەس كٷندٸك سوعىستان" كەيٸن رەسەي ەسكەرٸن وڭتٷستٸك وسەتييا مەن ابحازيياعا شوعىرلاندىرىپ, ولاردىڭ "تەۋەلسٸزدٸگٸن" مويىنداعان. رەسەيدٸ تٶرت مەملەكەت قانا: ۆەنەسۋەلا, ناۋرۋ, نيكاراگۋا جەنە سيرييا قولدادى. گرۋزييا اتالعان ەكٸ ٶڭٸردٸ رەسەي باسىپ العان اۋماق دەپ بٸلەدٸ.
رەسەي مەن گرۋزييا اراسىندا ديپلوماتييالىق قاتىناس ورناماعان. سوعان قاراماستان, گرۋزييا باسقىنشىلىقتان كەيٸن باتىس ەلدەرٸنٸڭ مەسكەۋگە قارسى سانكتسيياسىنا قوسىلمادى. رەسمي تبيليسي ۋكراينانى قولداعانىمەن, بۇل تۇرعىدا ٶتە ساق ەرەكەت ەتٸپ كەلەدٸ. گرۋزين وپپوزيتسيياسى بيلٸكتٸ "رەسەيشٸل پوزيتسيياسى ٷشٸن" سىنايدى.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
