اپتانىڭ باسىندا افيناعا جاقىن جەردە ەكٸ ٶرت جالىنى شارپىعان ايماق كەڭەيٸپ, سونىڭ ەسەرٸنەن, باقىلاۋدان شىقتى. سالدارىنان جاقىن جەردەگٸ اۋىلدار ەۆاكۋاتسييالاندى. قۇرباندار تۋرالى اقپارات جوق, دەپ حابارلايدى Reuters.
اگەنتتٸكتٸڭ دەرەگٸنشە, گرەكييادا سوڭعى اپتالار ٸشٸندە 500 ورمان ٶرتٸ بولعان. جەرورتا تەڭٸزٸندە – گرەكييادا, تٷركييا مەن تۋنيستە سوڭعى وڭجىلدىقتاعى ەڭ جوعارى جازعى تەمپەراتۋرا تٸركەلدٸ.
دٷيسەنبٸ كٷنٸ افينادان وڭتٷستٸككە قاراي شامامەن 60 شاقىرىم (40 ميليا) جەردە, لاۆريو پورتتى قالاسىنا جاقىن تاۋدا كەزەكتٸ ٶرت تۇتاندى. قالىڭ تٷتٸن جاعاجايدىڭ ٷستٸنە كٶتەرٸلگەن. ونىڭ تولقىندارىندا ۆيندسەرفەرلەر بولعان.
التى ۇشاق پەن التى تٸكۇشاقتىڭ كٶمەگٸمەن كەم دەگەندە 91 ٶرت سٶندٸرۋشٸ ٶسٸمدٸكتەر از اۋداندا تۇتانىپ, قاراعايلارعا كٶشكەن ٶرتتٸ اۋىزدىقتاۋعا تىرىسقان. ٷش اعاش ەۆاكۋاتسييالاندى.
بيلٸكتٸڭ حابارلاۋىنشا, گرەكييا استاناسىنان سولتٷستٸككە قاراي ۆيلييا اۋىلىنىڭ ماڭىنداعى ورمان ايماعىندا, بالالاردىڭ جازعى لاگەرٸنە جاقىن جەردە تاعى بٸر ٶرت تۇتانعان. وندا بەس تٸكۇشاق پەن بەس ٶرت ۇشاعى جٸبەرٸلدٸ. ۆيلييا افينادان 50 شاقىرىمداي جەردە ورنالاسقان.
استاناعا جاقىن جەردەگٸ ەۆييا ارالىندا بولعان ەڭ ٸرٸ ٶرت بٸر اپتاداي جانعان. بۇل ٶرتتٸڭ سالدارىنان ارالدىڭ سولتٷستٸگٸندەگٸ ورماننىڭ بٶلٸكتەرٸ جويىلىپ, مىڭداعان ادام ەۆاكۋاتسييالاندى.
گرەكييانىڭ پرەمەر-مينيسترٸ كيرياكوس ميتسوتاكيس ٶرتتٸ سٶندٸرۋدەگٸ سەتسٸزدٸكتەر ٷشٸن كەشٸرٸم سۇرادى. ٷكٸمەت افينا اينالاسىنداعى ەۆييا ارالى مەن اتتيكا ٶڭٸرٸ ٷشٸن 500 ميلليون ەۋرو كٶلەمٸندە كٶمەك بەرٸلەتٸنٸن حابارلاعان.
Greekcitytimes-تٸڭ حابارلاۋى بويىنشا, دٷيسەنبٸ كٷنٸ گرەكييادا بارلىعى 45 ورمان ٶرتٸ تۇتانعان. وسىعان بايلانىستى قازٸرگٸ كەزدە گرەكييانىڭ بارلىق ٶرت بٶلٸمشەلەرٸ جوعارى دايىندىق جاعدايىندا.
ەۋروپا ورمان ٶرتتەرٸ تۋرالى اقپاراتتىق جٷيەنٸڭ (EFFIS) دەرەكتەرٸ بويىنشا, 29 شٸلدە مەن 12 تامىز ارالىعىندا گرەكييادا ٶرت 100 000 گەكتار ورمان مەن اۋىل شارۋاشىلىعى جەرلەرٸن جەرمەن جەكسەن ەتتٸ, دەپ حابارلايدى wsws.org.
EFFIS-تٸڭ جارييالاعان ەسەبٸنە سەيكەس, گرەكييادا ايدىڭ باسىنان بەرٸ توقتاماي جانىپ جاتقان ورمان ٶرتٸ جەرلەردٸڭ 90 پايىزىن جويعان.
اتتيكانىڭ سولتٷستٸك-شىعىسىنداعى ەۆييا ارالىنىڭ سولتٷستٸك بٶلٸگٸ قاتتى زارداپ شەكتٸ. ول جەرگە ەل استاناسى افينا دا كٸرەدٸ. ەۋروپالىق وداقتىڭ Copernicus جەردٸ باقىلاۋ باعدارلاماسى كەلتٸرگەن سپۋتنيكتٸك سۋرەتتەردٸ زەرتتەۋ دەرەكتەرٸ بويىنشا, تامىزدىڭ باسىنان بەرٸ 50 000 گەكتار جەر ٶرتكە ورانعان. ەۆيياداعى ٶرت گرەكييانىڭ زاماناۋي تاريحىنداعى ەڭ ٸرٸ ٶرت بولىپ تانىلدى. ٶرتتەردٸڭ نەگٸزگٸ سەبەبٸ عالامدىق جىلىنۋ ەكەنٸنە ەش كٷمەن جوق.
