Aptanyń basynda Afinaǵa jaqyn jerde eki órt jalyny sharpyǵan aimaq keńeiip, sonyń áserinen, baqylaýdan shyqty. Saldarynan jaqyn jerdegi aýyldar evakýatsiialandy. Qurbandar týraly aqparat joq, dep habarlaidy Reuters.
Agenttiktiń dereginshe, Grekiiada sońǵy aptalar ishinde 500 orman órti bolǵan. Jerorta teńizinde – Grekiiada, Túrkiia men Týniste sońǵy ońjyldyqtaǵy eń joǵary jazǵy temperatýra tirkeldi.
Dúisenbi kúni Afinadan ońtústikke qarai shamamen 60 shaqyrym (40 milia) jerde, Lavrio portty qalasyna jaqyn taýda kezekti órt tutandy. Qalyń tútin jaǵajaidyń ústine kóterilgen. Onyń tolqyndarynda vindserferler bolǵan.
Alty ushaq pen alty tikushaqtyń kómegimen kem degende 91 órt sóndirýshi ósimdikter az aýdanda tutanyp, qaraǵailarǵa kóshken órtti aýyzdyqtaýǵa tyrysqan. Úsh aǵash evakýatsiialandy.
Biliktiń habarlaýynsha, Grekiia astanasynan soltústikke qarai Viliia aýylynyń mańyndaǵy orman aimaǵynda, balalardyń jazǵy lagerine jaqyn jerde taǵy bir órt tutanǵan. Onda bes tikushaq pen bes órt ushaǵy jiberildi. Viliia Afinadan 50 shaqyrymdai jerde ornalasqan.
Astanaǵa jaqyn jerdegi Eviia aralynda bolǵan eń iri órt bir aptadai janǵan. Bul órttiń saldarynan araldyń soltústigindegi ormannyń bólikteri joiylyp, myńdaǵan adam evakýatsiialandy.
Grekiianyń premer-ministri Kiriakos Mitsotakis órtti sóndirýdegi sátsizdikter úshin keshirim surady. Úkimet Afina ainalasyndaǵy Eviia araly men Attika óńiri úshin 500 million eýro kóleminde kómek beriletinin habarlaǵan.
Greekcitytimes-tiń habarlaýy boiynsha, dúisenbi kúni Grekiiada barlyǵy 45 orman órti tutanǵan. Osyǵan bailanysty qazirgi kezde Grekiianyń barlyq órt bólimsheleri joǵary daiyndyq jaǵdaiynda.
Eýropa orman órtteri týraly aqparattyq júieniń (EFFIS) derekteri boiynsha, 29 shilde men 12 tamyz aralyǵynda Grekiiada órt 100 000 gektar orman men aýyl sharýashylyǵy jerlerin jermen jeksen etti, dep habarlaidy wsws.org.
EFFIS-tiń jariialaǵan esebine sáikes, Grekiiada aidyń basynan beri toqtamai janyp jatqan orman órti jerlerdiń 90 paiyzyn joiǵan.
Attikanyń soltústik-shyǵysyndaǵy Eviia aralynyń soltústik bóligi qatty zardap shekti. Ol jerge el astanasy Afina da kiredi. Eýropalyq odaqtyń Copernicus Jerdi baqylaý baǵdarlamasy keltirgen spýtniktik sýretterdi zertteý derekteri boiynsha, tamyzdyń basynan beri 50 000 gektar jer órtke oranǵan. Eviiadaǵy órt Grekiianyń zamanaýi tarihyndaǵy eń iri órt bolyp tanyldy. Órtterdiń negizgi sebebi ǵalamdyq jylyný ekenine esh kúmán joq.
