افينى قالاسىنان سولتٷستٸككە قاراي ورىن العان ورمان ٶرتٸ گرەكيياداعى ۇزاققا سوزىلعان اپتاپ ىستىق سالدارىنان باقىلاۋدان شىعىپ كەتتٸ, دەپ حابارلايدى Reuters اگەنتتٸگٸ.
گرەكييانىڭ افينى قالاسىنىڭ سولتٷستٸگٸندە ورنالاسقان ۆوتوناس جەنە مارافون قالالارىنىڭ تۇرعىندارىن ەۆاكۋاتسييالاپ, تاڭعى 5-كە قاراي جاعالاۋعا بارۋعا پەرمەن بەرٸلدٸ.
ٶرت سٶندٸرۋ قىزمەتٸ سۇراپىل جالىننىڭ نەگٸزگٸ وشاعى تٷرلٸ باعىتتارعا تارالىپ وتىرعان بٸرنەشە اعىندارعا بٶلٸنٸپ كەتكەنٸن مەلٸمدەدٸ. ٶرت سٶندٸرۋشٸلەر سونداي-اق اتتيكا مەن گرەكييانىڭ باسقا بٶلٸگٸندە بولجانىپ وتىرعان قاتتى جەلگە دايىندالىپ جاتىر.
ەۆييا ارالىندا جاعالاۋداعى كٷزەت قىزمەتٸ پاتۋرلدٸك كاتەرلەر جەنە جەكەمەنشٸك كەمەلەرمەن بٸرلەسٸپ, تەڭٸز ارقىلى جٷزدەگەن ادامدى ەۆاكۋاتسييالاۋ بويىنشا كٶلەمدٸ وپەراتسييانى جٷرگٸزدٸ.
ٶرت سٶندٸرۋشٸلەر بٷگٸن سۋ بومبالارى تيەلگەن ۇشاقتار مەن تٸكۇشاقتاردىڭ كٶمەگٸمەن افينى ماڭىنداعى ٶرتتٸڭ بٸرنەشە وشاعىن سٶندٸرە العانى حابارلانىپ وتىر. الايدا اپتاپ ىستىق ولاردىڭ قايتا جاندانۋىنا سەبەپ بولدى. قازٸرگٸ ۋاقىتتا بۇل قالانى سولتٷستٸك گرەكييامەن بايلانىستىرىپ وتىرعان ەلدٸڭ باس كٶلٸك ماگيسترالٸندە قوزعالىس توقتاتىلدى, بۇعان ەكيپاجداردىڭ جولدى جالىننىڭ تارالۋىنا بٶگەت رەتٸندە پايدالانۋعا ەرەكەتتەنگەنٸ سەبەپ بولعان.
ەسكە سالا كەتسەك, گرەكييادا ورمان ٶرتٸ سوڭعى قىرىق جىلدىڭ ٸشٸندە بولعان ەڭ قاتتى ىستىق كٷن رايىنىڭ سالدارىنان بولدى. ەلدٸڭ كٶپتەگەن اۋداندارىندا اۋانىڭ تەمپەراتۋراسى 44 گرادۋستان اسىپ وتىر.
