Afiny qalasynan soltústikke qarai oryn alǵan orman órti Grekiiadaǵy uzaqqa sozylǵan aptap ystyq saldarynan baqylaýdan shyǵyp ketti, dep habarlaidy Reuters agenttigi.
Grekiianyń Afiny qalasynyń soltústiginde ornalasqan Votonas jáne Marafon qalalarynyń turǵyndaryn evakýatsiialap, tańǵy 5-ke qarai jaǵalaýǵa barýǵa pármen berildi.
Órt sóndirý qyzmeti surapyl jalynnyń negizgi oshaǵy túrli baǵyttarǵa taralyp otyrǵan birneshe aǵyndarǵa bólinip ketkenin málimdedi. Órt sóndirýshiler sondai-aq Attika men Grekiianyń basqa bóliginde boljanyp otyrǵan qatty jelge daiyndalyp jatyr.
Eviia aralynda jaǵalaýdaǵy kúzet qyzmeti patýrldik katerler jáne jekemenshik kemelermen birlesip, teńiz arqyly júzdegen adamdy evakýatsiialaý boiynsha kólemdi operatsiiany júrgizdi.
Órt sóndirýshiler búgin sý bombalary tielgen ushaqtar men tikushaqtardyń kómegimen Afiny mańyndaǵy órttiń birneshe oshaǵyn sóndire alǵany habarlanyp otyr. Alaida aptap ystyq olardyń qaita jandanýyna sebep boldy. Qazirgi ýaqytta bul qalany soltústik Grekiiamen bailanystyryp otyrǵan eldiń bas kólik magistralinde qozǵalys toqtatyldy, buǵan ekipajdardyń joldy jalynnyń taralýyna bóget retinde paidalanýǵa árekettengeni sebep bolǵan.
Eske sala ketsek, Grekiiada orman órti sońǵy qyryq jyldyń ishinde bolǵan eń qatty ystyq kún raiynyń saldarynan boldy. Eldiń kóptegen aýdandarynda aýanyń temperatýrasy 44 gradýstan asyp otyr.
