گرەكييا ورمان ٶرتٸن ٷش كٷننەن بەرٸ سٶندٸرە الماي جاتىر

گرەكييا ٷشٸنشٸ كٷن قاتارىنان ەلدٸڭ كٶپتەگەن اۋداندارىنداعى ٶرتتٸ سٶندٸرە الماي وتىر, دەپ حابارلايدى "ۇلت اقپارات" Euronews-كە سٸلتەمە جاساپ.

جالىن مىڭداعان گەكتار ورماندى شارپىعان, قازٸرگٸ كەزدە ول اتتيكانىڭ سولتٷستٸك-شىعىسىنا قاراي جىلجىپ بارادى. عيماراتتار ٶرتەنٸپ, جابايى اڭدار قىرىلىپ جاتىر. مىڭداعان ادام ەۆاكۋاتسييالاندى. تۇرعىنداردىڭ كٶبٸ بٸر تٷن ٸشٸندە باسپاناسىز قالدى.

افينا-سالونيكي جالپىۇلتتىق اۆتوماگيسترالٸنٸڭ ەكٸ جاعى وتقا ورانعان. 

«قازٸرگٸ باعالاۋ بويىنشا, افينانىڭ سولتٷستٸگٸندەگٸ ٶرت ۇلتتىق جولدى ٷش تٷرلٸ جەردە شارپىعان. بوفورت شكالاسى بويىنشا 6 بالدىق ەكپٸندٸ جەل ٶرتتٸ ودان سايىن كٷشەيتٸپ, ٶرت سٶندٸرۋشٸلەردٸڭ جۇمىسىنا كەدەرگٸ كەلتٸرۋدە. جاڭا تۇتانۋ وشاقتارى پايدا بولۋدا», - حابارلايدى Euronews.

افيناعا جاقىن جەردە ٶرت سٶندٸرۋ كەزٸندە ەر ادام قازا تاپتى. ونى ەلەكتر باعانا باسىپ قالعان. كەم دەگەندە تاعى ون ادام جاراقات الىپ, اۋرۋحاناعا تٷسكەن.

گرەكييادا 56 تابيعي ٶرت سٶندٸرٸلٸپ جاتىر. ەڭ اۋىر جاعداي ەۆبەيادا. جالىن نەگٸزگٸ ورماندى شارپىپ, ٸرٸ تاۋ سٸلەمٸ بويىنشا بٸرنەشە باعىتتا تارالىپ بارادى. تٸپتٸ تەڭٸز جاعاسىنا شەيٸن جەتتٸ. جٷزدەگەن ادام قايىقپەن ەۆاكۋاتسييالاندى. وتپەن كٷرەسۋگە 240 ٶرت سٶندٸرۋشٸ جۇمىلدىرىلعان.

گرەكتەرگە فرانتسييادان, شۆەيتسارييادان, شۆەتسييادان جەنە رۋمىنييادان ەرٸپتەستەرٸ كٶمەك كٶرسەتۋدە.