Grekiia úshinshi kún qatarynan eldiń kóptegen aýdandaryndaǵy órtti sóndire almai otyr, dep habarlaidy "Ult aqparat" Euronews-ke silteme jasap.
Jalyn myńdaǵan gektar ormandy sharpyǵan, qazirgi kezde ol Attikanyń soltústik-shyǵysyna qarai jyljyp barady. Ǵimarattar órtenip, jabaiy ańdar qyrylyp jatyr. Myńdaǵan adam evakýatsiialandy. Turǵyndardyń kóbi bir tún ishinde baspanasyz qaldy.
Afina-Saloniki jalpyulttyq avtomagistraliniń eki jaǵy otqa oranǵan.
«Qazirgi baǵalaý boiynsha, Afinanyń soltústigindegi órt Ulttyq joldy úsh túrli jerde sharpyǵan. Bofort shkalasy boiynsha 6 baldyq ekpindi jel órtti odan saiyn kúsheitip, órt sóndirýshilerdiń jumysyna kedergi keltirýde. Jańa tutaný oshaqtary paida bolýda», - habarlaidy Euronews.
Afinaǵa jaqyn jerde órt sóndirý kezinde er adam qaza tapty. Ony elektr baǵana basyp qalǵan. Kem degende taǵy on adam jaraqat alyp, aýrýhanaǵa túsken.
Grekiiada 56 tabiǵi órt sóndirilip jatyr. Eń aýyr jaǵdai Evbeiada. Jalyn negizgi ormandy sharpyp, iri taý silemi boiynsha birneshe baǵytta taralyp barady. Tipti teńiz jaǵasyna sheiin jetti. Júzdegen adam qaiyqpen evakýatsiialandy. Otpen kúresýge 240 órt sóndirýshi jumyldyrylǵan.
Grekterge Frantsiiadan, Shveitsariiadan, Shvetsiiadan jáne Rýmyniiadan áriptesteri kómek kórsetýde.
