قر قارجى ۆيتسە-مينيسترٸ تاتيانا ساۆەلەۆا ناقتىلانعان رەسپۋبليكالىق بيۋدجەت بويىنشا جاستاردى قولداۋ ٷشٸن قاراجات قانداي باعىتتا جۇمسالاتىنىن اتادى, دەپ حابارلايدى قازاقپارات تٸلشٸسٸ.
«ناقتىلانعان بيۋدجەت جوباسىنا جاستار جىلىنا بايلانىستى تولىقتىرۋلار ەنگٸزٸلدٸ. اتالمىش باعىتتا, ياعني جاستاردى قولداۋ ٷشٸن رەسپۋبليكالىق بيۋدجەتتەن قوسىمشا 24,6 ملرد تەڭگە بٶلۋ قاراستىرىلعان», - تاتيانا ساۆەلەۆا پارلامەنت مەجٸلٸسٸنٸڭ قر-نىڭ 2019-2023 جىلدارعا ارنالعان ەلەۋمەتتٸك-ەكونوميكالىق دامۋ بولجامىن ناقتىلاۋعا ارنالعان وتىرىسى بارىسىندا.
ونىڭ ايتۋىنا قاراعاندا, جالپى 10,7 ملرد تەڭگەنٸ قۇرايتىن «جاس كەسٸپكەر» باعدارلاماسىن جٷزەگە اسىرۋ كٶزدەلگەن. ياعني, بۇل باعىتتا «باستاۋ بيزنەس» جوباسى بويىنشا جاستاردى وقىتۋ ورىندارىنىڭ سانى 15 مىڭعا كٶبەيمەك. ول كۋرستاردا جاستارعا بيزنەس-جوسپار قۇرۋ سەكٸلدٸ ماڭىزدى تاقىرىپتار ٷيرەتٸلەدٸ.
«الداعى ۋاقىتتا 18-29 جاس ارالىعىنداعى 200 ادامعا 3 ميلليون تەڭگەلٸك گرانت بٶلۋ جوسپارلانىپ وتىر. بۇل ٷشٸن «بيزنەستٸڭ جول كارتاسى» باعدارلاماسى شەڭبەرٸندە 600 ملن تەڭگە شىعىنداۋ كەرەك بولادى. گرانتتار يننوۆاتسييالىق, ٸت جەنە قاجەتتٸلٸگٸ جوعارى بيزنەس-جوبالارعا بٶلٸنەدٸ. بۇل باعىتتاعى جۇمىس كەسٸپكەرلٸك تۇرعىدا جوعارى ەلەۋەتٸ بار جاستاردى قولداۋعا سەپ بولادى», - دەيدٸ قارجى مينيسترٸنٸڭ ورىنباسارى.
سونىمەن بٸرگە, «ەڭبەك» جاپپاي كەسٸپكەرلٸك پەن تيٸمدٸ جۇمىسپەن قامتۋ مەملەكەتتٸك باعدارلاماسى شەڭبەرٸندە بيزنەس-يدەيالار بويىنشا 9 مىڭ مەملەكەتتٸك گرانت بٶلٸنەدٸ.
«گرانتتار «بيزنەس-باستاۋ» جوباسى بويىنشا كەسٸپكەرلٸك نەگٸزدەرٸ كۋرسىنان ٶتكەن جاستارعا بەرٸلەدٸ. سونىمەن قاتار, «جاس مامان» جوباسى شەڭبەرٸندە بيىل 8 ملرد تەڭگەگە 180 كوللەدج, جاڭعىرتىلادى. ول قاراجاتتىڭ 7,3 ملرد تەڭگەسٸ ماتەريالدىق-تەحنيكالىق بازانى قاجەتتٸلٸكپەن قامتاماسىز ەتۋگە جۇمسالادى. بٷگٸنگٸ كٷنٸ قر بٸلٸم جەنە عىلىم مينيسترلٸگٸ كوللەدجەردٸ تيٸستٸ قۇرىلعىلارمەن قامتاماسىز ەتۋ سۇراقتارىن پىسىقتاۋدا», - دەيدٸ ول.
سونىمەن قاتار, شەتەلدٸك مامانداردى تارتۋعا 720 ملن تەڭگە جۇمسالادى. ۆيتسە-مينيستردٸڭ ايتۋىنشا, بۇل جۇمىس كوللەدج قىزمەتكەرلەرٸن جابدىقپەن جۇمىس ٸستەۋگە جەنە ساتىپ الىنعان جابدىقتارعا قاتىستى بٸلٸم بەرۋ باعدارلامالارىن قايتا باعىتتاۋعا مٷمكٸندٸك بەرەدٸ.
«سونىمەن بٸرگە, بيىل مەكتەپتە, بالاباقشالاردا, ارنايى مەكتەپتەردە, جاستاردى قولداۋ ورتالىقتارىندا, قارتتار ٷيٸندە قوعامدىق پايدالى جۇمىستارمەن اينالىساتىن 10 مىڭ ستۋدەنتتٸڭ شەكٸرتاقىسىن 30 پايىزعا نەمەسە 6 285 تەڭگەگە ٶسٸرۋ ٷشٸن 250 ملن تەڭگە باعىتتالادى», - دەيدٸ ۆيتسە-مينيستر.
