گراففيتي جازبالار ارقىلى ەسٸرتكٸنٸ ناسيحاتتايتىن جەنە جارنامالاۋشى كٷدٸكتٸلەر ۇستالدى, – دەپ حابارلايدى قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ.
باسپاسٶز قىزمەتٸنٸڭ مەلٸمەتتەرٸنە قاراعاندا, ەسٸرتكٸ قىلمىسى ٷشٸن جاۋاپكەرشٸلٸكتٸ قاتاڭداتاتىن قىلمىستىق زاڭناماعا ەنگٸزٸلگەن تٷزەتۋلەر كٷشٸنە ەنگەننەن كەيٸنگٸ العاشقى اپتادا ەسٸرتكٸنٸ جارنامالاۋ مەن ناسيحاتتاۋ ٷشٸن جاۋاپكەرشٸلٸك بەلگٸلەيتٸن قىلمىستىق كودەكستٸڭ جاڭا بابى بويىنشا ەكٸ قىلمىستىق ٸس قوزعالدى.
15 قاڭتاردا قاراعاندىدا پوليتسييا قىزمەتكەرلەرٸ ەسٸرتكٸ تاراتاتىن, ينتەرنەت-رەسۋرستار كٶرسەتٸلگەن حابارلاندىرۋلار جابىستىرىپ جٷرگەن قالانىڭ ەكٸ تۇرعىنىن ۇستادى. ۇستالعانداردىڭ ەكەۋٸ دە ناركولوگييالىق ەسەپتە تۇرادى, قىلمىستىق, ونىڭ ٸشٸندە ەسٸرتكٸ ٶتكٸزگەنٸ ٷشٸن دە جاۋاپقا تارتىلعان.
17 قاڭتاردا الماتىدا ەسٸرتكٸ پريتونىن تٸنتۋ بارىسىندا تانىمال مەسسەندجەردەگٸ توپقا ينتەرنەت سٸلتەمە جاسالعان گراففيتي-جازباسى ٷشٸن قولدانىلاتىن ترافارەت الىندى. پريتون قاتىسۋشىسى ۇستالىپ, ونىڭ قولىنان ەسٸرتكٸ تاراتاتىن ەلەۋمەتتٸك جەلٸدەگٸ توپقا سٸلتەمە كٶرسەتٸلگەن پاراقشالار الىندى.
داكتيلوسكوپييالىق, سوت-بيولوگييالىق جەنە ناركولوگييالىق ساراپتامالار تاعايىندالدى. وقيعا ورنىنان ۇيالى تەلەفوندار الىندى. ولارداعى اقپارات وسىنداي جارنامانىڭ «تاپسىرۋشىلارىمەن» ٶزارا بايلانىستارىن انىقتاۋعا مٷمكٸندٸك بەرەدٸ.
ٸشكٸ ٸستەر مينيسترلٸگٸ 11 قاڭتاردان باستاپ ەسٸرتكٸنٸ ناسيحاتتايتىن جەنە ساتاتىن ينتەرنەت-سايتتاردىڭ سٸلتەمەلەرٸن تاراتقانى ٷشٸن قىلمىستىق جاۋاپكەرشٸلٸك بەلگٸلەنگەنٸن ەستەرٸڭٸزگە سالادى. قىلمىستىق كودەكسكە ەسٸرتكٸنٸ ناسيحاتتاۋ نەمەسە زاڭسىز جارنامالاۋ ٷشٸن قىلمىستىق جاۋاپكەرشٸلٸك بەلگٸلەيتٸن جاڭا 299-1-باپ ەنگٸزٸلدٸ. ول بويىنشا ٷش جىلعا دەيٸن باس بوستاندىعىنان ايىرۋ تٷرٸندەگٸ جازا كٶزدەلگەن.
«ەگەر وسى قىلمىس توپپەن, بٸرنەشە رەت, بٸلٸم ۇيىمدارىندا نەمەسە ادام كٶپ جينالاتىن ورىنداردا, بۇقارالىق اقپارات قۇرالدارى نەمەسە ەلەكتروندىق اقپارات رەسۋرستارىن پايدالانىپ, قىزمەتٸك جاعدايىن پايدالانىپ جاسالسا 3 جىلدان 6 جىلعا دەيٸن باس بوستاندىعىنان ايىرۋ تٷرٸندەگٸ جازا بەلگٸلەنەدٸ»,-دەلٸنگەن قر ٸٸم باسپاسٶز قىزمەتٸ تاراتقان حابارلامادا.
