فوتو: gov.kz
قازاقستان رەسپۋبليكاسى مەملەكەتتٸك قىزمەت ٸستەرٸ اگەنتتٸگٸنٸڭ باستاماسىمەن مەملەكەتتٸك قىزمەت جٷيەسٸندەگٸ ادامي رەسۋرستاردى باسقارۋدىڭ ٶزەكتٸ مەسەلەلەرٸنە ارنالعان حالىقارالىق GovHR فورۋمى ٶتتٸ. ٸس-شارا جاھاندىق تەۋەكەلدەر دەۋٸرٸندە ٷزدٸك تەجٸريبەلەرمەن الماسۋعا جەنە بٸرلەسكەن شەشٸمدەردٸ ەزٸرلەۋگە ارنالعان بٸرەگەي الاڭعا اينالدى.
فورۋم اياسىندا تەجٸريبە الماسۋ ماقساتىندا بۇۇ ٶكٸلدەرٸ, كاتار مەملەكەتتٸك قىزمەت جەنە كادرلىق ەلەۋەتتٸ دامىتۋ بيۋروسىنىڭ ديرەكتورى سايف ال-كاابي, موڭعولييا مەملەكەتتٸك قىزمەت ٸستەرٸ جٶنٸندەگٸ كەڭەستٸڭ تٶراعاسى تسەدەۆسۋرەن لحاگۆا, سەررا-لەونە ەلٸنٸڭ ادامي رەسۋرستاردى باسقارۋ كەڭسەسٸنٸڭ باس ديرەكتورى انسۋ تاكەر, تەجٸكستان رەسپۋبليكاسى پرەزيدەنتٸ جانىنداعى مەملەكەتتٸك قىزمەت اگەنتتٸگٸنٸڭ ديرەكتورى يليوس يدريسزودا, سونداي-اق اقش, ەزەربايجان, باە, قىرعىزستان, ماروككو, وڭتٷستٸك كورەيا, ٶزبەكستان, رەسەي, رۋاندا, سينگاپۋر, تٷرٸكمەنستان سيياقتى ەرٸپتەس ەلدەردٸڭ ۋەكٸلەتتٸ ورگاندارىنىڭ باسشىلارى مەن جەتەكشٸ ماماندارى جەنە ساراپشىلارى قاتىستى.
ٸس-شارادا قازاقستان رەسپۋبليكاسى پرەزيدەنتٸنٸڭ ٸشكٸ ساياسات مەسەلەلەرٸ جەنە كوممۋنيكاتسييالار جٶنٸندەگٸ كٶمەكشٸسٸ ارمان قىرىقباەۆ مەملەكەت باسشىسى قاسىم-جومارت توقاەۆتىڭ فورۋمنىڭ اشىلۋىنا وراي جولداعان قۇتتىقتاۋ حاتىن وقىدى.
دارحان جازىقباي مەملەكەتتٸك باسقارۋ جٷيەسٸن جاڭعىرتۋدا پرەزيدەنت تٸلگە تيەك ەتكەن «ادام مەملەكەت ٷشٸن ەمەس, مەملەكەت ادام ٷشٸن» ٸرگەلٸ قاعيداتى باسشىلىققا الىنعانىن اتاپ ٶتتٸ. ال فورۋمنىڭ باستى تاقىرىبى مەملەكەتتٸك سەكتوردا تيٸمدٸ, ادامعا باعدارلانعان باسقارۋ جٷيەسٸن دامىتۋعا ارنالدى. سونداي-اق فورۋمدا ستراتەگييالىق HR-جٷيەسٸن قالىپتاستىرۋ, كادرلىق پروتسەستتەردٸ تسيفرلاندىرۋ مەن جاساندى ينتەللەكتٸنٸ ەنگٸزۋ, جاس مامانداردى قولداۋ جەنە مەملەكەتتٸك ورگاندارداعى باسشىلاردىڭ رٶلٸن ترانسفورماتسييالاۋ مەسەلەلەرٸنە باستى نازار اۋدارىلدى.
شارا بارىسىندا جاڭا كەزەڭدەگٸ مەملەكەتتٸك باسقارۋ سالاسىنداعى حالىقارالىق تەجٸريبە مەن عىلىمي زەرتتەۋلەرگە نەگٸزدەلگەن «Public Administration in the New Reality» اتتى كٸتاپ تانىستىرىلدى. بۇل كٸتاپقا 19 ەلدەن 39 اۆتور قاتىسىپ, العى سٶزدٸ قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ جازعان.
فورۋم بارىسىندا قازاقستاندىق تاراپ سەرٸكتەس ەلدەردٸڭ تابىستى تەجٸريبەلەرٸنە قىزىعۋشىلىق تانىتتى. وسى ورايدا, ەسٸرەسە كاتاردىڭ مەملەكەتتٸك جەنە جەكەمەنشٸك سەكتورىنا كادر ٸرٸكتەۋ پلاتفورماسى سانالاتىن Kawader جٷيەسٸ مەن 85 مىڭنان استام مەملەكەتتٸك قىزمەتشٸگە SMART-ماقساتتار قويۋ, مونيتورينگ جاساۋ جەنە باعالاۋ مٷمكٸندٸگٸن بەرەتٸن Ada’a تيٸمدٸلٸكتٸ باسقارۋ جٷيەسٸن ەرەكشە اتاپ ٶتۋگە بولادى. موڭعولييادا تاعايىنداۋ جەنە كادرلىق رەەستر پروتسەستەرٸ اۆتوماتتاندىرىلعان ارنايى پورتال ارقىلى جٷرگٸزٸلەدٸ, سونداي-اق تٷيٸندەمەنٸ تالداۋ مەن ٷمٸتكەرلەردٸ الدىن الا ٸرٸكتەۋگە مٷمكٸندٸك بەرەتٸن جاساندى ينتەللەكت نەگٸزٸندەگٸ «پيلوتتىق» مودۋل ٸسكە اسىرىلۋدا.
فورۋمدا نەگٸزگٸ حالىقارالىق ۇيىمدارمەن ٶزارا ەرەكەتتەسۋگە ەرەكشە نازار اۋدارىلدى. فورۋمعا بەينەبايلانىس ارقىلى قاتىسقان بۇۇ-نىڭ ازاماتتىق قىزمەت جٶنٸندەگٸ حالىقارالىق كوميسسيياسىنىڭ (ICSC) تٶراعاسى, بۇۇ باس حاتشىسىنىڭ ورىنباسارى لاربي دجاكتا قازاقستاننىڭ كادرلىق ساياساتتا وزىق كٶزقاراس ۇستانىپ وتىرعانىن جەنە باسقا ەلدەرگە ٷلگٸ بولا الاتىنىن اتاپ ٶتتٸ.
پٸكٸر الماسۋلار, پانەلدٸك جەنە فورسايت-سەسسييالار نەتيجەسٸندە مەملەكەتتٸك قىزمەت پەن ادامي رەسۋرستاردى باسقارۋ جٷيەسٸن دامىتۋعا ارنالعان نەگٸزگٸ ۇسىنىستار مەن باعدارلاردى قامتيتىن GovHR رەزوليۋتسيياسى قابىلداندى. اتاپ ايتقاندا, مەملەكەتتٸك اپپاراتتىڭ تيٸمدٸلٸگٸن ارتتىرۋ جەنە ازاماتتارعا كٶرسەتٸلەتٸن قىزمەت ساپاسىن جاقسارتۋعا باعىتتالعان جاساندى ينتەللەكت, Big Data, بۇلتتىق شەشٸمدەر مەن بلوكچەين تەحنولوگييالارىن كەزەڭ-كەزەڭمەن ەنگٸزۋ ۇسىنىلدى. سونىمەن قاتار, دەرەكتەردٸ بٸرتۇتاس كٶزدەن باسقارۋ, بيۋروكراتييالىق كەدەرگٸلەردٸ ازايتۋ, تسيفرلىق قاۋٸپسٸزدٸكتٸ كٷشەيتۋ جەنە People Analytics قۇرالدارىن كادرلىق شەشٸمدەر قابىلداۋدا بەلسەندٸ پايدالانۋ قاجەتتٸلٸگٸ ايتىلدى.
ٸس-شاراعا قاتىسۋشىلار foresight-سەسسييالار بارىسىندا «قۇزىرەتتەر كارتاسى 2030», «دەرەكتەر ساياساتى» جەنە «HR ارحەتيپتەرٸ 2035» تەرٸزدٸ جاڭا HR-مودەلدەردٸ قالىپتاستىرۋ بويىنشا ۇسىنىستار ەزٸرلەدٸ. وسىنىڭ نەگٸزٸندە تسيفرلىق داعدىلارعا باسىمدىق بەرەتٸن جەكە ەرٸ تەجٸريبەگە نەگٸزدەلگەن وقىتۋعا كٶشۋ قاجەتتٸلٸگٸ اتاپ ٶتٸلدٸ.
قاتىسۋشىلار اتالعان فورۋمنىڭ بٸلٸم مەن تەجٸريبە الماسۋ الاڭى عانا ەمەس, سونىمەن قاتار ۋاقىت تالاپتارىنا ساي وزىق شەشٸمدەردٸ ەنگٸزۋگە قابٸلەتتٸ كەسٸبي مەملەكەتتٸك قىزمەت قاۋىمداستىعىن قالىپتاستىرۋ جولىنداعى ماڭىزدى قادام بولعانىن اتاپ ٶتتٸ.
