گونكونگتە "ۇلتتىق قاۋٸپسٸزدٸك تۋرالى زاڭدى بۇزدى" دەپ كٷدٸككە ٸلٸنگەن مەدياماگنات دجيممي لاي كەپٸلدٸك قالدىرىپ, قاماۋدان بوساپ شىقتى. بۇل تۋرالى South China Morning Post باسىلىمى حابارلادى. باسىلىمنىڭ جازۋىنشا, سونداي شارتپەن ٶزگە دە بەلسەندٸلەر بوستاندىققا شىققان.
پوليتسييا بٶلٸمشەسٸنٸڭ الدىندا لايدى قالاداعى دەموكراتييالىق قوزعالىس جاقتاۋشىلارى قارسى العان.
دجيممي لاي جەنە تاعى جەتٸ ادام (اراسىندا لايدىڭ ەكٸ ۇلى جەنە ول باسقاراتىن كورپوراتسيياداعى توپ-مەنەدجەرلەر دە بار) جاقىندا قابىلدانعان ۇلتتىق قاۋٸپسٸزدٸك تۋرالى زاڭدى بۇزدى دەگەن كٷدٸككە ٸلٸنٸپ, قامالعان ەدٸ.
مەدياماگنات "ٶزگە ەلدەرمەن استىرتىن بايلانىستى, بٷلٸككە شاقىراتىن سٶزدەر ايتتى جەنە الاياقتىق جاسادى" دەگەن كٷدٸككە ٸلٸنٸپ وتىر. بۇل باپتار بويىنشا ٶمٸرلٸك تٷرمە جازاسى دا قاراستىرىلعان.
30 ماۋسىم كٷنٸ قىتايدىڭ جوعارعى زاڭ شىعارۋ ورگانى گونكونگتەگٸ "ۇلتتىق قاۋٸپسٸزدٸك زاڭىن" قابىلداعان. قاۋٸپسٸزدٸك تۋرالى زاڭعا سەيكەس, پەكين ساتقىندىق, سەپاراتيزم نەمەسە تەرروريزم دەپ تاپقان كەز كەلگەن ەرەكەتتٸ جاساعان ادام ٶمٸر بويىنا باس بوستاندىعىنان ايىرىلۋى مٷمكٸن. بۇل زاڭ گونكونگتٸڭ ٶزٸ ٸشٸندە جەنە باتىس ەلدەرٸ تاراپىنان قاتاڭ سىنعا ۇشىراعان. ولار زاڭ گونكونگتە ساياسي قۋعىندى كٷشەيتەدٸ, تۇرعىنداردىڭ بوستاندىعىن شەكتەيدٸ دەپ سانايدى.
