فوتو: اشىق دەرەككٶز
گونكونگتاعى تۇرعىن ٷي كەشەنٸندە بولعان ٸرٸ ٶرت سالدارىنان قازا تاپقاندار سانى 146 ادامعا جەتتٸ. بۇل تۋرالى تەرگەۋشٸلەر ٶرتەنگەن عيماراتتاردى قايتا قاراۋ كەزٸندە جاڭا مەيٸتتەردٸ انىقتاعان سوڭ حابارلاندى, دەپ جازادى Ult.kz.
پوليتسييانىڭ تٶتەنشە جاعداي قۇرباندارىن انىقتاۋ بٶلٸمٸنٸڭ وفيتسەرٸ چەن كا-چۋننىڭ ايتۋىنشا, ماماندار ۆان فۋك سوت كەشەنٸنٸڭ عيماراتتارىن مۇقييات تەكسەرٸپ, مەيٸتتەردٸ پەتەرلەردەن دە, شاتىرلاردان دا تاپقان. قازٸرگٸ ۋاقىتتا جەتٸ بلوكتىڭ تٶرتەۋٸ عانا تولىق زەرتتەلگەن.
پوليتسييا ٶكٸلٸ تسانگ شۋك-ين سوڭعى ٸزدەۋ جۇمىستارى بارىسىندا قوسىمشا 30 ادامنىڭ دەنەسٸ تابىلعانىن مەلٸمدەدٸ. ونىڭ ٸشٸندە ٶرت سٶندٸرۋشٸلەر بۇرىن انىقتاعان, بٸراق تابا الماعان 12 مەيٸت بار.
جالپى, 100-گە جۋىق ادام ٸز-تٷزسٸز جوعالعان, ال 79 تۇرعىن جاراقات العان.
وقيعا ورنىندا ادامدار گٷل قويىپ, دۇعا جاساپ, قولمەن جازىلعان تٸلەكتەر قالدىرۋدا.
ۆان فۋك Court كەشەنٸندەگٸ سەگٸز عيمارات ٶرتكە دەيٸن جٶندەۋ جۇمىستارى ٷشٸن بامبۋكتان جاسالعان قۇرىلىس ورماندارىمەن قورشالعان. ولاردىڭ نەيلون تورلارمەن قاپتالۋى ٶرتتٸڭ جىلدام تارالۋىنا سەبەپ بولعانى ايتىلۋدا.
بيلٸك ٶرت قاۋٸپسٸزدٸگٸ تالاپتارىنىڭ بۇزىلعان-بۇزىلماعانىن تەكسەرٸپ جاتىر. وسى جاعدايدان كەيٸن گونكونگ ەكٸمشٸلٸگٸ بٸر مەردٸگەر — Prestige Construction + Engineering كومپانيياسىنا تيەسٸلٸ 28 قۇرىلىس جوباسىنىڭ جۇمىسىن دەرەۋ توقتاتۋ تۋرالى بۇيرىق شىعاردى.
ەسكە سالساق, ٶرت 2025 جىلعى 26 قاراشادا ۆانگ فۋك Court تۇرعىن ٷيٸندە تۇتانعان. جەرگٸلٸكتٸ باق مەلٸمەتٸنشە, جالىن ٶتە تەز تاراعان — وعان جٶندەۋ كەزٸندە قولدانىلاتىن اعاش-بامبۋكتان جاسالعان قۇرىلىس قاڭقالارى تٸكەلەي ەسەر ەتكەن.
بۇعان دەيٸن ٶرتتە قازا تاپقان ەر ادامنىڭ وتباسىنا 200 مىڭ گونكونگ دوللارى بەرٸلەتٸنٸن جازعانبىز.
