ESPN Deportes مەلٸمەتٸ بويىنشا, IBF جەنە IBO نۇسقالارى بويىنشا ورتا سالماقتا ەلەم چەمپتونى گەناديي گولوۆكيننٸڭ (40-1-1, 35 كو) كەلەسٸ جەكپە-جەگٸ 20 قاراشادا ٶتەدٸ, دەپ حابارلايدى Sports.kz سايتى.
GGG قارسىلاسى – IBF جەلٸسٸ بويىنشا مٸندەتتٸ ٷمٸتكەر پولياك بوكسشىسى كاميل شەرەمەتا (21-0, 5 كو). قازاقستاندىق كٶرەرمەندەر جەكپە-جەكتٸ 21 قاراشا سەنبٸ كٷنٸ تاڭەرتەڭ تاماشالاي الادى.
شارانى ۇيىمداستىرۋشىلاردىڭ دەرەككٶزدەرٸ بويىنشا DAZN ستريمينگ پلاتفورماسى جىلدىڭ سوڭعى اپتالارىندا تەرەنس كروۋفورد, ەررول سپەنس, ەنتوني دجوشۋا, ميگەل بەرچەلت, وسكار ۆالدەس, تايسون فۋري, سونداي-اق مايك تايسوننىڭ روي دجونسپەن بولاتىن ايقاسى قامتىلعان تىعىز كەستەنٸ ەسكەرە وتىرىپ, جۇما كٷندەرٸ بوكس شوۋلارىن ٶتكٸزۋدٸ جوسپارلاپ وتىرعانىن حابارلادى.
بۇعان دەيٸن گولوۆكين-شەرەمەتانىڭ جەكپە-جەگٸ 21 قاراشا (قازاقستان ۋاقىتى بويىنشا 22 قاراشا كٷنٸ تاڭەرتەڭ) بولاتىن. ٶتەتٸن ورنى – لوس-اندجەلەس ماڭىنداعى كارسون.
