گولوۆكيننٸڭ كەلەسٸ ايقاسى قاشان جەنە كٸممەن ٶتەتٸنٸ بەلگٸلٸ بولدى

ورتا سالماقتاعى بۇرىنعى ەلەم چەمپيونى گەنناديي گولوۆكين (38-1-1, 34 كو) ماۋسىم ايىندا رينگكە ورالادى, دەپ حابارلايدى "ۇلت اقپارات".

ول 8 ماۋسىمدا نيۋ-يوركتە (اقش) Madison Square Garden ارەناسىندا 35 جاستاعى كانادالىق بوكسشى ستيۆ روللسپەن (19-0, 10 كو) كەزدەسەدٸ. بۇل تۋرالى تۋيتتەردە Yahoo! Sports جۋرناليسٸ كريس مەننيكس جازدى. ول DAZN ستريمينگتٸك پلاتفورماسىندا - ياعني گولوۆكيننٸڭ جاڭا سەرٸكتەسٸندە جۇمىس ٸستەيدٸ.

كٶپ كەشٸكپەي وتانداسىمىز بۇل اقپاراتپەن Instagram  ەلەۋمەتتٸك جەلٸسٸندەگٸ پاراقشاسىندا بٶلٸستٸ.

ەسكە سالا كەتەيٸك, گەنناديي سوڭعى جەكپە-جەگٸن 2018 جىلدىڭ 15 قىركٷيەگٸندە ٶتكٸزدٸ. ول تٶرەشٸلەردٸڭ باسىم كٶپشٸلٸگٸنٸڭ شەشٸمٸمەن مەكسيكالىق ساۋل الۆارەستەن (51-1-2, 34 كو) جەڭٸلٸپ قالدى. روللس سوڭعى رەت 15 جەلتوقساندا رينگكە شىعىپ, تٶرەشٸلەردٸڭ شەشٸمٸمەن امەريكالىق كەاندر لەزەرۆۋدتى (21-6-1, 13 كو) جەڭگەن ەدٸ.

4 مامىر كٷنٸ "كانەلو" دەنيەل دجەيكوبسپەن (35-2, 29 كو) كەزدەسەدٸ. ەگەر ول دجەيكوبستى, ال گولوۆكين روللستى جەڭسە, قىركٷيەك ايىندا GGG مەن الۆارەستٸڭ ٷشٸنشٸ كەزدەسۋٸ ٶتۋٸ مٷمكٸن.