Boxingnews24.com جۋرناليسٸ دەن ەمبروۋزدىڭ جازۋىنشا, قازاقستاندىق بوكسشى گەنناديي گولوۆكين 2021 جىلدىڭ مامىر ايىندا ساۋل الۆارەسپەن جۇدىرىقتاسۋعا شىعۋى قاراستىرىلىپ جاتقان ٷش ٷمٸتكەردٸڭ بٸرٸ. بۇل – DAZN-مەن ەكٸ جەكپە-جەك تۋرالى كەلٸسٸم اياسىنداعى ايقاس بولىپ تابىلادى, دەپ حابارلايدى Sports.kz.
«DAZN-مەن ەكٸ جەكپە-جەك تۋرالى كەلٸسٸم بويىنشا بٸرٸنشٸ ايقاستا «كانەلو» WBA/WBC نۇسقالارى بويىنشا سۋپەرورتا سالماقتا WBC جەلٸسٸ بويىنشا مٸندەتتٸ ٷمٸتكەر اۆني يىلدىرىمعا قارسى شىعادى. DAZN-مەن كەلٸسٸمشارت اياسىندا ەكٸنشٸ جەكپە-جەك ٷشٸن «كانەلو» جۇدىرىقتاسۋعا شىعاتىن ٷش قارسىلاس بار: بيللي دجو سوندەرس, كالەب پلانت, گەنناديي گولوۆكين», - دەپ جازادى اۆتور.
ەسكە سالا كەتسەك, مەكسيكالىق بوكسشى ساۋل «كانەلو» الۆارەس ٶزٸ كٸممەن جەكپە-جەككە شىعۋدى قالايتىنى تۋرالى جاۋاپ بەرگەن. بوكسشى ٶزٸنە ۇسىنىلعان قارسىلاستار – گولوۆكين جەنە مەيۆەزەردٸڭ اراسىنان ەكٸنشٸسٸن تاڭدادى. گەنناديي گولوۆكين 19 جەلتوقساندا گولليۆۋدتا جەكپە-جەك ٶتكٸزدٸ. وندا قازاقستاندىق بوكسشى پولشا سپورتشىسى كاميل شەرەمەتانى جەڭٸپ, ورتا سالماقتا تيتۋلدىق بەلدٸكتٸ قورعاۋ سانى جاعىنان رەكورد ورناتتى.
