قازاقستاندىق بوكسشى گەنناديي گولوۆكين (41-1-1, 36 كو) جاپونييالىق ريوتا مۋراتانى (16-2, 13 كو) جەڭدٸ, - دەپ حابارلايدى "ۇلت اقپارات".
كەزدەسۋ جاپونييانىڭ سايتاما قالاسىندا ٶتتٸ. بوكس كەشٸندە گولوۆكيننٸڭ ورتا سالماقتاعى IBF جەنە IBO, مۋراتانىڭ WBA Super بەلبەۋٸ ساراپقا سالىندى.
جەكپە-جەك شىن مەنٸندە تارتىستى ٶتٸپ, گەنناديي ريوتانى 9-راۋندتا تەحنيكالىق نوكاۋتپەن جەڭدٸ. جاپون بوكسشىسى نوكداۋن العان كەزدە ونىڭ بۇرىشى رينگكە ورامال تاستادى.
وسىلايشا, كەشە عانا 40 جاسقا تولعان گولوۆكين ٶزٸنٸڭ مىقتىلىعىن تانىتىپ, كەسٸپقوي كارەراسىندا 42-جەڭٸسٸنە قول جەتكٸزٸپ وتىر.
كەش سوڭىندا وتانداسىمىز جاپونييالىق قارسىلاسىنا قاتىستى ويىن ايتتى.
«بۇل جولعى قارسىلاسىم - وليمپيادا چەمپيونى ەرٸ WBA تۇجىرىمى بويىنشا سۋپەر چەمپيون. ول - ناعىز كٷرەسكەر. بٷگٸن سونى رينگتە دەلەلدٸ. جاپونييا جەرٸندە وسىنداي ٷلكەن سپورت وقيعاسى ٶتكەنٸنە قۋانىشتىمىن. ٶز ەلدەرٸمٸزدٸڭ جارقىن ٶكٸلدەرٸ رەتٸندە جاقسى شوۋ كٶرسەتە الدىق دەپ ويلايمىن», - دەدٸ GGG.
سونداي-اق, ول جەكپە-جەككە كەلگەن قازاقستاندىق جانكٷيەرلەرگە العىس بٸلدٸردٸ.
"ماعان جانكٷيەر بولعان بارلىعىڭىزعا العىس ايتقىم كەلەدٸ. ەسٸرەسە, قازاقستاننان كەلگەن جانكٷيەرلەر. راحمەت, سٸزدەرگە, جٸگٸتتەر! العا, قازاقستان", - دەدٸ گولوۆكين سٶز سوڭىندا.
ايتا كەتەيٸك, گولوۆكين كەيٸنگٸ جەكپە-جەگٸن 2020 جىلدىڭ جەلتوقسانىندا اقش-تا پولياك كاميل شەرەمەتاعا قارسى ٶتكٸزٸپ, ونى نوكاۋتقا تٷسٸرگەن ەدٸ. سول كەزدە 21-رەت ەلەم چەمپيونى اتانىپ, رەكورد ورناتقاننان كەيٸن رينگكە شىقپاعان. ال مۋراتا بولسا رينگكە 2019 جىلدىڭ جەلتوقسانىنان بەرٸ شىعىپ وتىر, سول كەزدە كانادالىق ستيۆەن باتلەرگە قارسى كەزدەسۋدە تيتۋلىن سەتتٸ قورعاعان.
GGG مۋراتانىڭ بەلبەۋٸن جەڭٸپ الىپ, سۋپەرچەمپيون اتاندى. قازاقستاندىق بوكسشى وسىمەن 42-شٸ جەكپە-جەگٸن ٶتكٸزدٸ. سونىڭ ٸشٸندە 37-سٸ نوكاۋتپەن اياقتالدى.
گولوۆكيننٸڭ كەپٸلدەندٸرٸلگەن گونورارى 5 ميلليون دوللاردى قۇرايدى. وعان قوسا, PPV-دان تٷسەتٸن اقشانىڭ 70 پروتسەنتٸن الادى. وسىلايشا, بارلىق گونوراردىڭ كٶلەمٸ, شامامەن, 12-15 ملن دوللار بولادى. ال مۋراتا 500 مىڭ دوللار + PPV-دٸڭ 30 پروتسەنتٸ. ونىڭ گونورارى 1,5 ميلليونا دوللارعا دەيٸن بارادى.
گەنناديي گولوۆكيننٸڭ كەلەسٸ قارسىلاسى – مەكسيكالىق ساۋل الۆارەس. بٸراق كانەلو الدىمەن 7 مامىردا ٶتەتٸن بوكس كەشٸندە دميتريي بيۆولدى جەڭۋٸ كەرەك. جاقىندا گولوۆكين مەن الۆارەس ٷشٸنشٸ جەكپە-جەكتٸ ٶتكٸزۋ تۋرالى كەلٸسٸمشارتقا قول قويدى. بوكس كەشٸ 17 قىركٷيەكتە ەكٸنشٸ ورتا سالماقتا ۇيىمداستىرىلادى. لاس-ۆەگاس بۇل شوۋدى ٶتكٸزۋگە فاۆوريتتەردٸڭ قاتارىندا, بٸراق باسقا ايماقتار دا ٶتٸنٸم بەردٸ.
