گولوۆكين مەن كانەلو تاعى دا كٶز ارباستى (ۆيدەو)

WBA (Super), IBO, WBC جەنە IBF تۇجىرىمدارى بويىنشا ورتا سالماقتاعى ەلەم چەمپيونى قازاقستاندىق گەنناديي گولوۆكين (37-0-1, 33 كو) مەن مەكسيكالىق ساۋل "كانەلو" الۆارەس (49-1-2, 34 كو) 5 مامىردا لاس-ۆەگاستا بەلگٸلەنگەن جەكپە-جەككە بايلانىستى  قايتادان كٶز ارباستى, - دەپ حابارلايدى Vesti.kz.

بوكسشىلار لوس-اندجەلەستە مەديا ٸس-شارا اياسىندا ٶتكەن كەزدەسۋدە كٶز ارباستى. سونداي-اق, گولوۆكين مەن الۆارەس باسپاسٶز كونفەرەنتسيياسىندا جۋرناليستەردٸڭ سۇراقتارىنا جاۋاپ بەرەدٸ.

ايتا كەتەيٸك, 5 مامىردا لاس-ۆەگاستاعى T-Mobile Arena-دا  ٶتەتٸن بوكس كەشٸنٸڭ بيلەتتەرٸ 28 اقپاننان باستاپ ساتىلىمعا شىعادى. ولاردىڭ باعالارى 300 (96 000 تەڭگە) - 5 000 دوللار (1 600 000 تەڭگە) ارالىعىندا.

ەسكە سالايىق, گولوۆكين مەن الۆارەستٸڭ العاشقى جەكپە-جەگٸ 2017 جىلدىڭ 16 قىركٷيەگٸندە لاس-ۆەگاستا ٶتكەن بولاتىن. 12 راۋندقا سوزىلعان جەكپە-جەك تەڭ ەسەپپەن اياقتالعان ەدٸ.