قازاقستاندىق كەسٸپقوي بوكسشى گەنناديي گولوۆكين رەسەيدە ٶتكٸزٸلەتٸن 2018 جىلعى فۋتبولدان ەلەم چەمپيوناتىنىڭ اشىلۋ سالتاناتىنا قاتىسادى. بۇل تۋرالى بوكسشىنىڭ پروموۋتەرٸ توم لەففلەر ESPN باسىلىمىنا بەرگەن سۇحباتىندا ايتتى.
ونىڭ سٶزٸنشە, گولوۆكيندٸ مەسكەۋگە دەمەۋشٸلەرٸنٸڭ بٸرٸ شاقىرعان. ول قوناق رەتٸندە مۋنديالدىڭ اشىلۋ سالتاناتىنا قاتىسادى. مۋنديالدٸڭ اشىلۋ سالتاناتى مەسكەۋدەگٸ "لۋجنيكي" ستاديونىندا 14 مامىردا استانا ۋاقىتىمەن ساعات 20:30-دا باستالادى. جارتى ساعاتتان كەيٸن رەسەي مەن ساۋد ارابيياسى قۇرامالارىنىڭ ويىنى ٶتەدٸ.
مۇنىڭ الدىندا گەنناديي گولوۆكين ۇلىمەن بٸرگە 2018 جىلعى ستەنلي كۋبوگى ٷشٸن "ۆاشينگتون كەپيتالز" مەن "ۆەگاس گولدەن نايتس" اراسىنداعى شەشۋشٸ ويىنىن تاماشالاعان بولاتىن.
