ۇلتتىق قور قاراجاتىن باسقارۋدىڭ تەسٸلدەرٸن قايتا قاراۋ قاجەت. بۇل تۋرالى قر پارلامەنتٸ پالاتالارىنىڭ بٸرلەسكەن وتىرىسىندا رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶرايىمى ناتاليا گودۋنوۆا ايتتى, دەپ حابارلايدى قازاقپارات.
«ٶسٸپ كەلە جاتقان مەملەكەتتٸك بورىش ەلدەگٸ ماكروەكونوميكالىق تۇراقتىلىق تەۋەكەلدەرٸن تۋعىزادى. بۇعان قارسى تۇراتىن قاۋقار ەلٸ بار. بٸراق قابىلدانعان بورىشتىق مٸندەتتەمەلەر بويىنشا بٸزدٸڭ ناقتى تۇجىرىمدالعان ٶز ەسەبٸمٸز بولعانىن, بورىشتى قاشان, قانداي كٶزدەردەن جەنە قانداي كٶلەمدە ٶتەۋ جوسپارلانۋىن قالار ەدٸك. جەنە دە بٸر-ٷش جىلعا ەمەس, كەم دەگەندە 10 جىلعا ەسەپتەلۋٸ كەرەك. بۇل جەردە ايقىندىق پەن اشىقتىق قاجەت», - دەدٸ ناتاليا گودۋنوۆا.
سونداي-اق ول مەملەكەتتٸك ورگانداردىڭ اعىمداعى قىزمەتٸن ٸسكە اسىرۋ, حالىقارالىق كونسۋلتانتتاردى تارتۋ جەنە شەتەلدٸك تەجٸريبەنٸ زەردەلەۋ ٷشٸن سىرتقى قارجىلاندىرۋ كٶزدەرٸن تارتۋ پراكتيكاسىن جويۋ قاجەتتٸگٸن باسا ايتتى.
«بٸزدە وسى مٸندەتتەردٸ ٸسكە اسىرۋ ٷشٸن ٶزٸمٸزدٸڭ قارجىلىق جەنە ادامي رەسۋرستارىمىز جەتكٸلٸكتٸ. سىرتقى قارىزدى تيٸمسٸز تارتقانى جەنە پايدالانعانى ٷشٸن, سونداي-اق ولاردى ۋاقتىلى يگەرمەگەنٸ ەرٸ كٷشٸن جويعانى ٷشٸن دەربەس جاۋاپتىلىقتى قاتاڭداتۋ تالاپ ەتٸلەدٸ. بۇل جٶنٸندە دەپۋتاتتار دا ايتقان بولاتىن», - دەدٸ كوميتەت تٶرايىمى.
