قازنەتتە قازاقستاندىق ەسترادانىڭ تانىمال ەنشٸسٸ تٶرەعالي تٶرەەلٸ تٷسٸرٸلگەن ۆيدەو تالقىلانىپ جاتىر, - دەپ حابارلايدى Tengrinews.kz اگەنتتٸگٸ.
كادرلاردا قاباعى قاناعان جٸگٸت ٶزٸنە بەلگٸلٸ ەنشٸ تٶرەعالي تٶرەەلٸ شابۋىل جاساعانىن ايتادى. كۋەگەرلەردٸڭ سٶزٸنشە, تٶرەعالي ەش سەبەپسٸز كٷش كٶرسەتكەن.
وقيعا تۋرالى تولىعىراق Join Me تۋريستٸك اگەنتتٸگٸنٸڭ ديرەكتورى ٸڭكەر شايمەردەنوۆا ايتىپ بەردٸ. ونىڭ ايتۋىنشا, ەنشٸنٸڭ ەرەكەتٸنەن بەكارىس ەسٸمدٸ گيد زارداپ شەككەن.
"كەشە بٸزدٸڭ تۋريستەر گيد بەكارىسپەن كٶلساي مەن قايىڭدىعا ەكٸ كٷندٸك ساپارعا شىقتى. سول جەردە تٶرەعالي تٶرەەلٸمەن كەزدەسكەن. بٸر تۋريست ونى تانىپ, جاي قاراپ قالىپتى. تٶرەعالي قاسىنا كەلٸپ: "ماعان نەگە ولاي قاراپ تۇرسىڭ?!" دەپ تيٸسٸپتٸ. سوسىن تۋريست كەتٸپ قالعان", - دەپ باستادى ەڭگٸمەسٸن ٸڭكەر شايمەردەنوۆا.
"بٸراز ۋاقىتتان كەيٸن دەرەتحاناعا كەزەكتە تۇرعان گيد بەكارىسقا شابۋىل جاساعان. تٶرەعالي كٶلٸگٸنەن تٷسٸپ, ونى ۇرىپ-سوعا باستاعان: "ماعان قالاي قارادىڭ, نە قاراپ تۇرسىڭ!" دەپ. ونىڭ بەرٸن كٶرگەن كۋەگەرلەرٸمٸز, تۋريستەرٸمٸز بار, سوعىپ, كەيٸن كەتٸپ قالعان", - دەدٸ ٸڭكەر شايمەردەنوۆا.
تۋرفيرما ديرەكتورىنىڭ ايتۋىنشا, ەنشٸ بۇنىمەن قويماي, تۋريستەردٸڭ اۆتوبۋسى تۋرعان تۇراققا اتپەن كەلٸپ, ەدٸپسٸز قىلىق كٶرسەتٸپ, بىلاپىت سٶزدەر ايتقان. كۋەگەرلەردٸڭ بولجامى بويىنشا, ەسترادا ەنشٸسٸ ماس كٷيدە بولعان.
"دجيپ توقتادى. تٶرەعالي كٶلٸكتەن تٷسٸپ, بەكارىستى ۇرا باستادى. جٷگٸرٸپ كەلگەندە, تٶرەعالي ەكەنٸن كٶردٸم. مەن ونىڭ قالاي تەپكەنٸن دە كٶردٸم, بٸزدٸڭ گيد - جاس جٸگٸتتٸ ۇردى, تەك تەپكٸلەپ قانا قويماي, ونىڭ اياعىنان جەنە بەتٸنەن ۇرىپ, قاناتىپ كەتتٸ. بٸز ۆيدەو تٷسٸرٸپ ٷلگەردٸك, ول بٸردەن كٶلٸككە مٸنٸپ, كەتٸپ قالدى. ولارعا مٷلدەم قاراۋعا بولمايدى ما ەكەن? تٶرەعالي بۇنىڭىز ەبەستٸك بولدى, سٸزدٸ قۇرمەتتەيتٸن ەدٸك", - دەيدٸ تۋريست ەيەلدەر.
"گيد كٶزٸنەن جاراقات الدى, قازٸر ول پوليتسيياعا ارىز جازىپ جاتىر. تٶرەعاليدىڭ گيدتەن كەشٸرٸم سۇراۋىن تالاپ ەتەمٸز, بۇنى بۇلاي قالدىرا المايمىز. بٸزدە كۋەگەرلەر مەن بەينە دەلەلدەر بار", - دەپ تٷيٸندەدٸ ٸڭكەر شايمەردەنوۆا.
الماتى وبلىسى پوليتسييا دەپارتامەنتٸ باستىعىنىڭ تەرگەۋ بويىنشا ورىنباسارى رۋستام ەبدٸراحمانوۆ بۇل ٸسكە قاتىستى پٸكٸر بٸلدٸردٸ.
"تەكسەرۋ شارالارى باستالدى. الماتى وبلىسى پد باسشىسىنىڭ تاپسىرماسى بويىنشا مەن-جايدى انىقتاۋ كەگەن اۋداندىق وپ قىزمەتكەرلەرٸنە جٷكتەلدٸ. الماتى وبلىسىنىڭ پوليتسييا دەپارتامەنتٸ جٷرگٸزٸلگەن ٸس-شارالاردىڭ بارىسى مەن نەتيجەلەرٸن باقىلاۋعا الدى", - دەپ جازدى ول.
