ورتا سالماقتا IBF جەنە IBO تۇجىرىمى بويىنشا ەلەم چەمپيونى اتانعان قازاقستاندىق بوكسشى گەنناديي گولوۆكين (40-1-1, 35 كو) مەن ۋكراينالىق سەرگەي دەرەۆيانچەنكونىڭ (13-1, 10 كو) جەكپە-جەگٸ, ەسٸرەسە كەزدەسۋدٸڭ نەتيجەسٸ بوكس ەلەمٸندە ٷلكەن پٸكٸرتالاس تۋدىردى.
ايتا كەتەيٸك, گەنناديي گولوۆكين 6 قازان كٷنٸ ورتا سالماقتا IBF جەنە IBO چەمپيوندىق بەلدٸكتەرٸن ساراپقا سالىپ, تٶرەشٸلەر شەشٸمٸمەن (114-113, 115-112, 115-112) جەڭٸسكە جەتكەن بولاتىن. الايدا قازاقستاندىق بوكسشى جەكپە-جەكتە ٶزٸنە كٶپ سوققى ٶتكٸزٸپ, بۇرىنعىداي قارسىلاسىن ايقىن باسىمدىقپەن جەڭە الماعانى انىق بايقالدى. جالپى گولوۆكين سپورتتىق مانسابىندا ەڭ قيىن جەكپە-جەك ٶتكٸزگەنٸن مويىندادى. سونداي-اق «GGG» سەرگەي دەرەۆيانچەنكو قۇرمەتكە لايىق قارسىلاس ەكەنٸن دە ايتتى.
بۇرىنعىداي ايقىن باسىمدىق جوق
Boxingscene پورتالىنىڭ سپورت تٸلشٸسٸ جەنە كوممەنتاتور كوري ەردمان گولوۆكين-دەرەۆيانچەنكو جەكپە-جەگٸنەن كەيٸن قازاقستاندىق بوكسشى ايقىن باسىمدىقپەن جەڭٸسكە جەتە المادى دەپ سانايدى.
ونىڭ پٸكٸرٸنشە, گەنناديي گولوۆكين العاشقى راۋندتاردان كەيٸن باسىمدىق كٶرسەتە الماي, ٶزٸنە كٶپ سوققى دارىتىپ الدى. قازاقستاندىق 12 راۋندقا دەيٸن بوكستاسقانىمەن, شابۋىلى جەنە اۋىر سوققىلارى بۇرىنعى كەزدەسۋلەرٸنە قاراعاندا ەدەۋٸر ازايعان.
«ەرينە, بۇل جەردە قارسىلاستىڭ ەلەۋەتٸ دە جوعارى بولدى. گولوۆكيننٸڭ بٸرنەشە جىل بۇرىنعى فيزيكالىق جاعدايى جاقسىراق ەدٸ. ەگەر دەرەۆيانچەنكو گولوۆكينمەن دەنيەل دجەيكوبس جەنە ساۋل الۆارەستەن بۇرىن جۇدىرىقتاسسا, ونىڭ ەڭ مىقتى قارسىلاسى بولارى انىق. سەبەبٸ ول - ورتا سالماقتاعى ەڭ مىقتى بوكسشىلاردىڭ بٸرٸ», - دەدٸ كوري ەردمان.
جاڭا تاكتيكا شابۋىلعا ەسەر ەتتٸ
گەنناديي گولوۆكين جاتتىقتىرۋشىسى دجوناتون بەنكس بۇل جەكپە-جەكتە قورعانىسقا كٶڭٸل بٶلگەنٸن ايتادى. سوندىقتان CompuBox (Computerized punches scoring system) ستاتيستيكاسىنان «GGG» قارسىلاسقا باعىتتاعان دجەب (Jab) سانى ايتارلىقتاي ازايعانىن بايقاي الامىز.
سالىستىراتىن بولساق, گولوۆكين - «كانەلو» رەماتچىندا قازاقستاندىق بوكسشى قارسىلاسقا 547 دجەب سوققىسىن باعىتتاعان بولاتىن. ال دەرەۆيانچەنكوعا قارسى جەكپە-جەكتە گولوۆكين 406 دجەب باعىتتاپ, 107-سٸن دەل تيگٸزگەن.
جەكپە-جەكتٸڭ قازاقستاندىق بوكسشىعا اۋىر تيگەنٸنٸڭ بٸر سەبەبٸ - قارسىلاستىڭ ٸشكە جەنە باسقا باعىتتاعان اۋىر سوققىلارىنىڭ كٶپتٸگٸ. اۋىر سوققى گولوۆكيننٸڭ فيزيكالىق كٷشٸنە جەنە جىلدامدىعىنا ايتارلىقتاي ەسەر ەتتٸ.
CompuBox ستاتيستيكاسى كٶرسەتكەندەي, «GGG» 12 راۋندتا 314 اۋىر سوققى باعىتتاپ, 136 سوققىنى دەل تيگٸزدٸ. ال قارسىلاسى 472 اۋىر سوققى باعىتتاپ, ونىڭ 183-ٸن دارىتا بٸلگەن. بۇعان دەيٸن گولوۆكين ەشبٸر قارسىلاسىنان ونداي اۋىر سوققىلار الماعان ەدٸ.
گولوۆكين قارتايعانداي كٶرٸندٸ...
گولوۆكين - دەرەۆيانچەنكو جەكپە-جەگٸنەن كەيٸن تانىمال بوكسشىلار بەلدەسۋ تۋرالى ٶز ويلارىمەن بٶلٸستٸ.
«37 جاسقا كەلگەن گولوۆكين قارتايعانداي كٶرٸندٸ. ول العاشقى راۋندتاردا جاقسى بوكستاسقانىمەن, دەرەۆيانچەنكو 5-راۋندتان باستاپ كۇش الا باستادى. ەسٸرەسە وسى راۋندتا ول گولوۆكيننٸڭ ٸشٸنە اۋىر سوققى جاسادى. وسىدان كەيٸن GGG شارشاپ قالدى. دەرەۆيانچەنكو جەڭٸسكە جەتە الماسا دا تاماشا ٶنەر كٶرسەتتٸ, ەندٸ ونىڭ تابىسى ايتارلىقتاي جوعارىلايدى», - دەيدٸ 2013 جىلى گولوۆكيننەن جەڭٸلگەن اعىلشىن بوكسشىسى مەتتيۋ ماكلين (35-6, 22كو).
جەڭٸل سالماقتا WBC تۇجىرىمى بويىنشا ەلەم چەمپيونى دەۆين حانەيدٸڭ (23-0,15كو) ايتۋىنشا, جەكپە-جەكتە تەڭ نەتيجە تٸركەلۋ كەرەك ەدٸ.
«گولوۆكيننٸڭ جەكپە-جەگٸنە كٶڭٸلٸم تولمادى. بۇعان دەيٸن ول دەرەۆيانچەنكونى جەكپە-جەكتٸڭ ەكٸنشٸ جارتىسىندا نوكاۋتقا جٸبەرەدٸ دەپ توپشىلاعان ەدٸم. مەنٸڭ ويىمشا, ولار تەڭ تٷستٸ. ول ەندٸ الۆارەستٸ جەڭە المايدى», - دەدٸ امەريكالىق بوكسشى.
اۋىر سالماقتاعى امەريكالىق بوكسشى دجاررەلل ميللەر دەرەۆيانچەنكو جەڭٸسكە جەتتٸ دەپ سانايتىنىن جاسىرمادى. ونىڭ پٸكٸرٸنشە, گولوۆكينگە قاراعاندا قارسىلاسى كٶبٸرەك بەلسەندٸ بولدى.
«GGG» دەۋٸرٸ اياقتالدى ما?
گەنناديي گولوۆكين 37 جاستا. بوكس سپورتى ٷشٸن جاس ماڭىزدى رٶل اتقاراتىنى بەلگٸلٸ. ودان بٶلەك, «GGG»-دىڭ كەسٸپقوي مانسابىندا ەڭ مىقتى قارسىلاستار سوڭعى بٸرنەشە جىلدا پايدا بولدى. ۇزاق جىلدار بويى ورتا سالماقتا ۇستەمدٸك ەتۋٸ وعان تاكتيكا جەنە تەجٸريبەلٸك تۇرعىدان ٶسۋٸنە كەدەرگٸ كەلتٸردٸ. سول سەبەپتٸ دەنيەل دجەيكوبس جەنە ساۋل الۆارەس ونىڭ بوكستاسۋ مەنەرٸن, تٸپتٸ كەمشٸل تۇستارىن تابا بٸلدٸ.
گولوۆكين – دجەيكوبس كەزدەسۋٸندە قازاقستاندىق بوكسشى سپورتتىق مانسابىندا العاش رەت 12 راۋند بوكستاستى. جەكپە-جەكتە «GGG»-دىڭ وسال تۇستارى اشىلا باستادى.
ال مەكسيكالىق ساۋل الۆارەسپەن بولعان العاشقى جەكپە-جەكتە گولوۆكين ٶزٸنٸڭ جويقىن شابۋىلىمەن چەمپيوندىق اتاقتارىن سەتتٸ قورعاپ قالدى. الايدا ەكٸنشٸ كەزدەسۋدە جاس بوكسشىنىڭ تاكتيكالىق جاقتان ٶسكەنٸ, ال گولوۆكيننٸڭ بوكستاسۋ مەنەرٸ ٶزگەرٸسسٸز قالعانى بايقالدى. سوققى جاعىنان الدا بولسا دا, الۆارەستٸڭ بەلسەندٸلٸگٸ مەن ۇتىمدى تاكتيكاسى تٶرەشٸلەردٸڭ شەشٸمٸنە ەسەر ەتكەن سىڭايلى.
ٷش جەكپە-جەكتە دە گولوۆكين كٶپ سوققى ٶتكٸزٸپ الدى. جاس فاكتورى ەندٸ وعان تاكتيكالىق جاقتان ٶسۋٸنە مۇمكٸندٸك بەرمەيدٸ.
وبەكتيۆتٸ سەبەپتەرگە بايلانىستى گولوۆكيننٸڭ سپورتتىق مانسابى سوڭعى كەزەڭدەرٸنە كەلٸپ جەتتٸ. سوندىقتان, ساراپشىلاردىڭ پٸكٸرٸنشە, وعان الۆارەسپەن ٷشٸنشٸ جەكپە-جەك ٶتكٸزۋگە قاراعاندا, دەمەتريۋس اندرادە (28-0,17كو) جەنە بيللي دجو سوندەرس (28-0,13كو) سىندى چەمپيونداردىڭ بەلدٸگٸن جەڭٸپ, بوكس تاريحىنداعى ٶز ەسٸمٸن التىن ەرٸپپەن جازىپ كەتكەنٸ كٶبٸرەك تيٸمدٸ بولار ەدٸ.
مۇحتار قاليموللاۇلى
