گەرمانييا, ۇلىبريتانييا جەنە فرانتسييا كٶشباسشىلارى يراندى يادرولىق كەلٸسٸم بويىنشا ٶز مٸندەتتەمەلەرٸن تولىعىمەن ورىنداۋعا شاقىردى, دەپ حابارلايدى "ۇلت اقپارات" جارييالانعان بٸرلەسكەن مەلٸمدەمەگە سٸلتەمە جاساپ.
قۇجاتتا اتالمىش مەملەكەتتەر اقش-تىڭ يراننىڭ يادرولىق باعدارلاماسى بويىنشا جان-جاقتى قامتىلعان بٸرلەسكەن ٸس-قيمىلدار جوسپارىنان (جوسپار) شىعۋ جەنە تەگەرانعا قارسى سانكتسييالاردى جانداندىرۋ شەشٸمٸنە ٶكٸنٸش جەنە الاڭداۋشىلىق بٸلدٸرەتٸنٸن ەسكە سالدى.
ٷش ەلدٸڭ باسشىلارى اناعۇرلىم كٷردەلەنە تٷسكەن جاعدايلارعا قاراماستان, ولار بۇل كەلٸسٸمدٸ ساقتاپ قالۋ ٷشٸن بارىن سالعاندارىن اتاپ ٶتكەن.
«يراننىڭ يادرولىق باعدارلاماسى بويىنشا جان-جاقتى قامتىلعان بٸرلەسكەن ٸس-قيمىلدار جوسپارىندا قالىپ وتىرعان تاراپتار – قىتاي, فرانتسييا, گەرمانييا, رەسەي, ۇلىبريتانييا, يران جەنە ٷيلەستٸرۋشٸ رەتٸندەگٸ ەۋروپالىق وداق جوسپاردى ساقتاپ قالۋ تۋرالى بۇلجىماس شەشٸمٸن قۋاتتادى», - دەلٸنگەن مەلٸمدەمەدە.
گەرمانييا, ۇلىبريتانييا جەنە فرانتسييا ليدەرلەرٸ يراننىڭ كەلٸسٸمگە سەيكەس ٶز مٸندەتتەمەلەرٸن تولىعىمەن ورىنداۋعا ورالۋىنىڭ ماڭىزدىلىعىن قاداپ ايتتى.
«بٸز 2019 جىلعى شٸلدەدەن باستاپ ٶز مٸندەتتەمەلەرٸن بۇزۋعا قاتىستى يران تاراپىنىڭ ەرەكەتتەرٸنە ٷلكەن الاڭداۋشىلىعىمىزدى بٸلدٸردٸك. بۇل ەرەكەتتەر توقتاتىلۋى تيٸس. جوسپاردى ساقتاپ قالۋ ٷشٸن ونىڭ بارلىق ەرەجەلەرٸن قولدانىپ, ونىڭ شەڭبەرٸندە يراننىڭ جوسپار بويىنشا ٶز مٸندەتتەمەلەرٸن ورىنداۋىنا قاتىستى مەسەلەلەردٸ شەشەتٸن بولامىز», - دەلٸنگەن قۇجاتتا.
ەستەرٸڭٸزگە سالا كەتەيٸك, 2015 جىلدىڭ شٸلدە ايىندا بۇۇ قاۋٸپسٸزدٸك كەڭەسٸ يادرولىق قارۋدى تاراتپاۋ جٶنٸندەگٸ جاھاندىق رەجٸمنٸڭ نەگٸزٸ بولىپ تابىلاتىن يراننىڭ يادرولىق باعدارلاماسى بويىنشا جان-جاقتى قامتىلعان بٸرلەسكەن ٸس-قيمىلدار جوسپارىن بٸراۋىزدان قابىلداعان بولاتىن. شارتقا يران جەنە حالىقارالىق دەلدالداردىڭ «التىلىعى» - ۇلىبريتانييا, گەرمانييا, قىتاي, رەسەي, اقش جەنە فرانتسييا قول قويدى. تەگەران سانكتسييالاردى الىپ تاستاۋ شارالارىنىڭ ورنىنا اتوم سالاسىنداعى ٶز زەرتتەۋلەرٸن شەكتەۋگە كەلٸستٸ.
