گەرمانييا 11 قازاننان باستاپ ٶز ازاماتتارى ٷشٸن كوروناۆيرۋستى تەگٸن تەكسەرۋ تەستتەرٸن ٶتكٸزبەيتٸن بولدى, دەپ حابارلايدى Euronews اقپارات اگەنتتٸگٸ.
ەل بيلٸگٸ بۇل قادامعا ادامداردى ۆاكتسينا سالدىرتۋعا تٷرتكٸ بولۋى ٷشٸن باردى. شەكتەۋ دەنساۋلىعىنا بايلانىستى ەكپە سالدىرتا المايتىندارعا قاتىسى جوق. گەرمانييادا ناۋرىز ايىندا باستالعان ۆاكتسينالاۋ قارقىنى ماردىمسىز بولدى, سوڭعى اپتالاردا تٸپتٸ باياۋلادى.
ال ۆاكتسينالاۋ دەڭگەيٸ ەل بويىنشا ەڭ تٶمەن بولعان شىعىستاعى تيۋرينگييادا ەكپە سالدىرتقانداردىڭ بارلىعىنا گريلدە پٸسٸرٸلگەن شۇجىق تاراتىلىپ جاتىر.
ۇلىبريتانييا تۇرعىندارى اراسىندا ۆاكتسينانىڭ تيٸمدٸلٸگٸنە قاتىستى تەرٸس پٸكٸر بار. ەل بيلٸگٸ ەرەسەك تۇرعىنداردىڭ كوروناۆيرۋسقا قارسى پرەپاراتتىڭ ەكٸ دوزاسىن سالدىرتۋ مەجەسٸن قالىپتى ٶمٸرگە ورالۋ جولىنداعى ماڭىزدى قادام دەپ وتىر.
ٶز كەزەگٸندە ليتۆا تۇرعىندارى ۆاكتسينا سالدىرعانداردى ماراپاتتاۋعا قاتىستى نارازىلىق بٸلدٸردٸ. ۆيلنيۋس بيلٸگٸ قارسىلىق تانىتقاندارعا قاتىستى جاڭا شەكتەۋلەر ەنگٸزۋدٸ جوسپارلاپ وتىر. اتاپ ايتقاندا, قىركٷيەكتٸڭ ورتاسىنان باستاپ ەكپە سالدىرتپاعاندار كوروناۆيرۋس جۇقتىرىپ الۋ جاعدايىندا تەگٸن ەمدەلۋ قۇقىعىنان ايىرىلادى.
وسى ارادا, 300-گە جۋىق ەرٸكتٸ مەديتسينا قىزمەتكەرٸ تەڭٸزگە قاراي جول جٷرٸپ جاتىر. ولار مارتينيكيكا مەن گۆادەلۋپاعا ۇلتتىق تٸلەكتەستٸك رۋحىن قولداپ, جۇقتىرۋ وقيعالارى سانىنىڭ ٶسۋٸمەن كٷرەس جٷرگٸزۋگە باراتىندارىن ايتتى. فرانتسييانىڭ تەڭٸز اۋماقتارى COVID-19 ۆيرۋسىنىڭ جاڭا تولقىنىمەن بارىنشا كٷرەس جٷرگٸزٸپ جاتىر.
