Germaniia 11 qazannan bastap óz azamattary úshin koronavirýsty tegin tekserý testterin ótkizbeitin boldy, dep habarlaidy Euronews aqparat agenttigi.
El biligi bul qadamǵa adamdardy vaktsina saldyrtýǵa túrtki bolýy úshin bardy. Shekteý densaýlyǵyna bailanysty ekpe saldyrta almaityndarǵa qatysy joq. Germaniiada naýryz aiynda bastalǵan vaktsinalaý qarqyny mardymsyz boldy, sońǵy aptalarda tipti baiaýlady.
Al vaktsinalaý deńgeii el boiynsha eń tómen bolǵan shyǵystaǵy Tiýringiiada ekpe saldyrtqandardyń barlyǵyna grilde pisirilgen shujyq taratylyp jatyr.
Ulybritaniia turǵyndary arasynda vaktsinanyń tiimdiligine qatysty teris pikir bar. El biligi eresek turǵyndardyń koronavirýsqa qarsy preparattyń eki dozasyn saldyrtý mejesin qalypty ómirge oralý jolyndaǵy mańyzdy qadam dep otyr.
Óz kezeginde Litva turǵyndary vaktsina saldyrǵandardy marapattaýǵa qatysty narazylyq bildirdi. Vilniýs biligi qarsylyq tanytqandarǵa qatysty jańa shekteýler engizýdi josparlap otyr. Atap aitqanda, qyrkúiektiń ortasynan bastap ekpe saldyrtpaǵandar koronavirýs juqtyryp alý jaǵdaiynda tegin emdelý quqyǵynan aiyrylady.
Osy arada, 300-ge jýyq erikti meditsina qyzmetkeri teńizge qarai jol júrip jatyr. Olar Martinikika men Gvadelýpaǵa ulttyq tilektestik rýhyn qoldap, juqtyrý oqiǵalary sanynyń ósýimen kúres júrgizýge baratyndaryn aitty. Frantsiianyń teńiz aýmaqtary COVID-19 virýsynyń jańa tolqynymen barynsha kúres júrgizip jatyr.
