جازعى دەمالىستا شەتەلگە بارىپ ەڭبەك ەتٸپ, تابىس تابۋدى جوسپارلاعان 150-دەن استام قازاقستاندىق ستۋدەنت جۇمىسقا ورنالاستىرۋ قىزمەتٸن ۇسىنعان كومپانيياعا الدانىپ قالعانىن ايتادى, دەپ حابارلايدى ult.kz.
كتك ارناسىنىڭ مەلٸمەتٸنشە, ولار ەرقايسىسى 600 مىڭنان 1 ميلليون تەڭگەگە دەيٸن قاراجات تٶلەگەنٸمەن, ۋەدە ەتٸلگەن جۇمىسقا دا بارا الماعان, اقشالارىن دا قايتارا الماي جٷرگەنٸن مەلٸمدەدٸ.
ستۋدەنتتەردٸڭ ايتۋىنشا, ولار جەتٸ اي بۇرىن كومپانييامەن كەلٸسٸمشارت جاساپ, شەتەلدە ماۋسىمدىق جۇمىسقا ورنالاسۋ ٷشٸن قاجەتتٸ تٶلەمدٸ تولىق نەمەسە بٶلٸپ تٶلەگەن. كٶپشٸلٸگٸ بۇل قاراجاتتى اتا-اناسىنىڭ اتىنا نەسيە رەسٸمدەۋ ارقىلى جيناعان. كەلٸسٸم بويىنشا شاقىرتۋ ەكٸ اي بۇرىن كەلۋٸ تيٸس ەدٸ. الايدا بەلگٸلەنگەن مەرزٸم ٶتكەنٸنە قاراماستان, ەشقانداي شاقىرتۋ دا, ناقتى جاۋاپ تا بولماعان.
«كومپانييانىڭ Instagram پاراقشاسىندا 50 مىڭعا جۋىق وقىرمانى بولعاندىقتان, سەنٸم ارتتىق. بەس ادام بولىپ بٸرگە تٸركەلدٸك. شارت بويىنشا 31 مامىرعا دەيٸن شاقىرتۋ كەلۋٸ كەرەك ەدٸ. ەگەر كەلمەسە, اقشانى تولىق قايتارامىز دەگەن. العاشىندا گەرمانييامەن تٸكەلەي جۇمىس ٸستەيتٸنٸن ايتتى. كەيٸن باس تارتۋ كەلگەن سوڭ, قىرعىزستانداعى كومپانييا ارقىلى جۇمىس ٸستەيتٸنٸن مەلٸمدەدٸ», – دەيدٸ ستۋدەنت سۇلتان مۇحامەدجان.
جەبٸرلەنۋشٸلەردٸڭ باسىم بٶلٸگٸ الماتى, استانا جەنە شىمكەنت قالالارىنان. ولاردىڭ سٶزٸنشە, داۋ شىققاننان بەرٸ كومپانييا كەڭسەسٸنٸڭ مەكەنجايى بٸرنەشە رەت ٶزگەرگەن.
تاعى بٸر ستۋدەنت نۇراي راحمانبەتتٸڭ ايتۋىنشا, باستاپقىدا گەرمانيياداعى DHL لوگيستيكالىق كومپانيياسىنا جۇمىسقا ورنالاستىرۋ ۇسىنىلعان. ساعاتىنا 14–16 ەۋرو كٶلەمٸندە جالاقى تٶلەنەتٸنٸ, جۇمىس ٷش ايعا جوسپارلانعانى جەنە اپتاسىنا بەس كٷن ەڭبەك ەتۋ قاراستىرىلعانى ايتىلعان. الايدا كەيٸن كومپانييا ٶكٸلدەرٸ بايلانىسقا شىعۋدى توقتاتىپ, تەلەفون قوڭىراۋلارىنا جاۋاپ بەرمەگەن.
«بەرٸمٸز ستۋدەنت بولعاندىقتان, بۇل اقشانى اتا-انامىزدىڭ كٶمەگٸمەن تٶلەدٸك. ەندٸ ەڭ بولماسا قاراجاتىمىزدى قايتارىپ الساق دەيمٸز», – دەيدٸ ول.
ال كومپانييا ديرەكتورى ميراس ورازعاليەۆ اقشانى قايتارۋدان باس تارتپايتىنىن مەلٸمدەدٸ. ونىڭ ايتۋىنشا, مەسەلە شەتەلدٸك سەرٸكتەستٸڭ كەلٸسٸمشارت تالاپتارىن ورىنداماۋىنان تۋىنداعان.
«بٸز قاراجاتتى قايتارۋ مٸندەتتەمەسٸنەن باس تارتپايمىز. بٸراق قازٸرگٸ تاڭدا قارجىلىق قيىندىقتار بار. ەربٸر كليەنت ٷشٸن قىزمەت اقىسىن قىرعىزستانداعى سەرٸكتەسٸمٸزگە تولىق اۋداردىق. الايدا ولار ٶز مٸندەتتەمەسٸن ورىنداماي, قاراجاتتى قايتارماي وتىر. قازٸر بۇل مەسەلەنٸ شەشۋ باعىتىندا جۇمىس جٷرگٸزٸلٸپ جاتىر», – دەدٸ كومپانييا باسشىسى.
كومپانييا ٶكٸلٸنٸڭ سٶزٸنشە, بارلىق مەسەلەنٸ شەشۋگە كەمٸندە ٷش اي قاجەت. الايدا بۇعان سەنبەگەن ستۋدەنتتەر قۇقىق قورعاۋ ورگاندارىنا ارىز جازىپ, ٸستٸڭ زاڭ اياسىندا قارالۋىن تالاپ ەتٸپ وتىر.
