قر پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ وتىرىسى ونلاين فورماتتا ٶتتٸ, دەپ حابارلايدى "ۇلت اقپارات" كوميسسيياعا سٸلتەمە جاساپ.
ۇلتتىق كوميسسييانىڭ تٶرايىمى لەززات رامازانوۆا وتىرىستى اشا وتىرىپ, وتباسى ينستيتۋتىن نىعايتۋ جەنە تۇرمىستىق زورلىق-زومبىلىقتىڭ الدىن الۋ ٶزەكتٸ مەسەلەلەرٸن تالقىلاۋ كەزٸندە ازاماتتىق قوعاممەن تيٸمدٸ ٶزارا ٸس-قيمىلدىڭ ماڭىزدىلىعىن اتاپ ٶتتٸ.
«ٶڭٸرلەردە ۇلتتىق كوميسسييا مٷشەلەرٸنٸڭ, پارلامەنت دەپۋتاتتارىنىڭ, ٷەۇ ٶكٸلدەرٸنٸڭ قاتىسۋىمەن تيٸستٸ زاڭنامالىق باستامالاردى تالقىلاۋ باستالدى. وتباسى ينستيتۋتىن نىعايتۋعا قاتىستى جۇرتشىلىقتىڭ بارلىق پٸكٸرلەرٸ مەن ۇسىنىستارى تىڭدالادى. مۇنداي فورمات قوعامنىڭ سۇرانىستارىن نورماتيۆتٸك قۇجاتتاردا كٶرسەتٸپ قانا قويماي, ولاردى ٸس جٷزٸندە جٷزەگە اسىرۋعا مٷمكٸندٸك بەرەدٸ. قازاقستاندىق وتباسىلاردىڭ ەل-اۋقاتى مەسەلەلەرٸ – مەملەكەتتٸك ساياساتتىڭ باسىمدىعىندا جەنە Nur Otan پارتيياسىنىڭ سايلاۋالدى باعدارلاماسىن ٸسكە اسىرۋ جٶنٸندەگٸ جول كارتاسىنا ەنگٸزٸلگەن», - دەدٸ لەززات رامازانوۆا.
وتىرىستا ەيەلدەر مەن وتباسى ينستيتۋتىنىڭ سىبايلاس جەمقورلىقتىڭ الدىن الۋعا ەسەرٸ تۋرالى اقپارات ۇسىنىلدى. قازاقستاننىڭ 2017-2020 جىلدارىنداعى, سونداي-اق اعىمداعى جىلدىڭ بٸرٸنشٸ توقسانىنداعى قۇقىقتىق ستاتيستيكاعا سەيكەس, سىبايلاس جەمقورلىققا قارسى قىزمەتتٸڭ ٶندٸرٸسٸندە 1394 ەيەلگە قاتىستى 1113 ٸس قوزعالدى. تالداۋ كٶرسەتكەندەي, ەيەلدەر نەگٸزٸنەن بٶتەن مٷلٸكتٸ يەمدەنۋ جەنە تالان-تاراجعا سالۋ - 36,8% (513 ادام), الاياقتىق – 20% (282), پارا بەرۋ – 14,7% (205) جەنە پارا الۋ-12,8% (178) تٷرٸندە قىلمىس جاسايدى.
سونىمەن قاتار, دٷنيەجٷزٸلٸك بانكتٸڭ ەۋروپا, افريكا جەنە ازييانىڭ 150 مەملەكەتٸندە جٷرگٸزگەن زەرتتەۋلەرٸ سىبايلاس جەمقورلىقتىڭ تٶمەندەۋٸنە ەيەلدەردٸڭ ساياساتتاعى جەنە زاڭ شىعارۋ ورگاندارىنداعى نەعۇرلىم جوعارى ٶكٸلدٸگٸ ەسەر ەتەتٸندٸگٸن كٶرسەتتٸ. سىبايلاس جەمقورلىق دەڭگەيٸ ەڭ تٶمەن ەلدەر – دانييا, شۆەتسييا, فينلياندييا, نورۆەگييادا ساياسي لاۋازىمداردا باسقا مەملەكەتتەرگە قاراعاندا ەيەلدەر كٶپ. ەكسپەريمەنت رەتٸندە پوليتسييا قىزمەتٸنە قوسىمشا 2,5 مىڭنان استام ەيەلدٸ تارتقان پەرۋ بيلٸگٸنٸڭ تەجٸريبەسٸ ەرەكشە, بۇل ەكسپەريمەنت قۇقىق قورعاۋ ورگاندارىنداعى پاراقورلىقتى كٷرت تٶمەندەتتٸ.
كەزدەسۋدە سونداي-اق اقمولا وبلىسىندا گەندەرلٸك باعدارلانعان بيۋدجەتتەۋدٸ ەنگٸزۋ جٶنٸندەگٸ جوبانىڭ قورىتىندىلارى شىعارىلدى. مۇنداي تەتٸك ەىدۇ-نىڭ كٶپتەگەن ەلدەرٸندە كەڭٸنەن قولدانىلادى. بيۋدجەتتٸ قالىپتاستىرۋ كەزەڭٸندە مەملەكەتتٸك ورگاندار ەيەلدەر مەن ەرلەردٸڭ قاجەتتٸلٸكتەرٸن ەسكەرەدٸ, بۇل حالىقتىڭ ٶمٸر سٷرۋ ساپاسىن ارتتىرۋعا جەنە قارجى قاراجاتىن ۇتىمدى پايدالانۋعا مٷمكٸندٸك بەرەدٸ.
«گەندەرلٸك بيۋدجەتتەۋ – بۇل ەڭ الدىمەن ەربٸر ازاماتتىڭ قاجەتتٸلٸكتەرٸن ەسەپكە الۋ جەنە قاراجاتتى ۇتىمدى پايدالانۋ. بيۋدجەتتٸ قالىپتاستىرۋ كەزٸندە قانشا ەيەل مەن ەر ادام ەمدەلۋگە مۇقتاج ەكەنٸن تٷسٸنۋ كەرەك. ەڭبەك نارىعىنداعى اۋىتقۋلاردى بولدىرماۋ ٷشٸن جٸگٸتتەر مەن قىزداردى قانداي ماماندىقتارعا وقىتۋ كەرەك. ۇلدار مەن قىزداردى بۇقارالىق سپورتقا تارتۋ ٷشٸن قالالار مەن اۋدان ورتالىقتارىندا قانداي سپورت سەكتسييالارىن اشۋ كەرەك. مۇنداي تەتٸكتٸ ەنگٸزۋ - بٸر كٷننٸڭ مەسەلەسٸ ەمەس, دايىندىق جۇمىستارى قاجەت. بٸراق گەندەرلٸك باعدارلانعان بيۋدجەت الدىڭعى قاتارلى ەلدەردە تيٸمدٸلٸگٸن دەلەلدەدٸ, سوندىقتان بٸز وسى باعىتتا جۇمىس جاساۋىمىز كەرەك», - دەدٸ لەززات رامازانوۆا.
وتىرىس قورىتىندىسى بويىنشا تيٸستٸ ورتالىق مەملەكەتتٸك جەنە جەرگٸلٸكتٸ اتقارۋشى ورگاندارعا بٸرقاتار تاپسىرمالار مەن ۇسىنىستار بەرٸلدٸ.
