قر پرەزيدەنتٸ قاسىم-جومارت توقاەۆتىڭ «اباي جەنە XXI عاسىرداعى قازاقستان» اتتى ماقالاسى ۇلت ەدەبيەتٸ مەن مەدەنيەتٸن جاڭا دەڭگەيگە كٶتەرۋگە ىقپال ەتەدٸ.
مۇنداي پٸكٸردٸ قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ رەكتورى, پەداگوگيكا عىلىمدارىنىڭ دوكتورى, پروفەسسور گاۋحار الدامبەرگەنوۆا بٸلدٸردٸ, دەپ حابارلايدى قازاقپارات.
«مەملەكەت باسشىسىنىڭ ۇلتىمىزدىڭ ۇلى اقىنى, اعارتۋشى اباي قۇنانبايۇلى تۋرالى ەلٸمٸزدٸڭ باس باسىلىمى «Egemen Qazaqstan» گازەتٸندە جارييالانعان ماقالاسىمەن تانىستىم. ماقالادا حاكٸمنٸڭ مەرەيتويىن جوعارى دەڭگەيدە اتاپ ٶتۋدٸڭ باعىتتارى مەن تەتٸكتەرٸ ايقىن كٶرسەتٸلگەن. پرەزيدەنت جوسپارلانعان شارالاردىڭ بارلىعى «توي تويلاۋ ٷشٸن ەمەس, وي-ٶرٸسٸمٸزدٸ كەڭەيتٸپ, رۋحاني تۇرعىدان دامۋىمىز ٷشٸن ٶتكٸزٸلمەك» ەكەندٸگٸن ەرەكشە اتاپ ٶتكەن. راسىندا دا, دارا, دانا ابايدىڭ تويى ويدىڭ تويى بولۋى قاجەت. ۇلى ابايدىڭ تويى تاعىلىمنىڭ تويى بولۋى تيٸس», – دەيدٸ قىزدار ۋنيۆەرسيتەتٸنٸڭ رەكتورى.
سونىمەن قاتار گاۋحار الدامبەرگەنوۆا ۇلتتىق سانانى جاڭعىرتۋداعى پرەزيدەنت ماقالاسىنىڭ ىقپالى جايىندا ايتتى.
«مەنٸڭ پايىمداۋىمشا, قاسىم-جومارت كەمەلۇلىنىڭ ماقالاسى ەلباسى نۇرسۇلتان ەبٸشۇلى نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ جالعاسى ٸسپەتتەس. قازاقستاننىڭ تۇڭعىش پرەزيدەنتٸ باعدارلامالىق ماقالاسىندا قوعامدىق سانانى قايتا تٷلەتۋدٸڭ ماڭىزدىلىعى تۋرالى ايتقان بولاتىن. بٷگٸندە ۇلتتىق سانانى ساقتاۋ جەنە ونى زامان تالابىنا بەيٸمدەۋ مەملەكەتتٸك ماڭىزى بار مەسەلەگە اينالدى. سانانى جاڭعىرتۋعا ابايدىڭ ٶمٸرشەڭ شىعارمالارى زور ىقپال ەتەدٸ. بۇل تۋرالى ماقالادا ەگجەي-تەگجەيلٸ جازىلعان. «ۇلى اقىننىڭ شىعارمالارى بٷگٸن دە ٶزەكتٸلٸگٸن جوعالتقان جوق. ابايدىڭ وي-تۇجىرىمدارى بارشامىزعا قاشاندا رۋحاني ازىق بولا الادى. سوندىقتان ۇلتىمىزدى جاڭعىرتۋ ٸسٸندە ونىڭ ەڭبەكتەرٸن باسشىلىققا الىپ, ۇتىمدى پايدالانۋ جايىن تاعى بٸر مەرتە وي ەلەگٸنەن ٶتكٸزگەن جٶن» دەپ اتاپ ٶتتٸ پرەزيدەنت. شىندىعىندا دا «ادامزاتتىڭ ابايى» اتانعان اقىننىڭ ەدەبي مۇراسى بٷگٸنگٸ كٷندە دە, بولاشاقتا دا ٶزٸنٸڭ مەنٸ مەن ماڭىزىن جويمايدى. ول – ۇلتىمىزدىڭ رۋحاني جاڭعىرۋ جولىنداعى تەمٸرقازىعى ھەم شامشىراعى ٸسپەتتٸ», – دەدٸ ٶز سٶزٸندە گاۋحار تٶرەمۇراتقىزى.
ۋنيۆەرسيتەت باسشىسىنىڭ ايتۋىنشا, بٷگٸندە قازاق قىزدارىنىڭ پاراسات مەكتەبٸنە اينالعان قىزدار ۋنيۆەرسيتەتٸندە اباي قۇنانبايۇلىنىڭ 175 جىلدىعىنا ارنالعان دايىندىق جۇمىستارى باستالىپ كەتكەن. حاكٸمنٸڭ مەرەيتويىنا وراي وقۋ ورنىندا «ٶلەڭ – سٶزدٸڭ پاتشاسى...» اتتى رەسپۋبليكالىق جاس اقىندار ايتىسى ٶتەدٸ. شاراعا ەلٸمٸزدٸڭ جوعارى وقۋ ورىندارىنىڭ ستۋدەنتتەرٸ قاتىسادى. ايتىس بارىسىندا اقىندار «اباي – دانا, اباي – دارا», «رۋحاني جاڭعىرۋ – باستى باعدار», «تۋعان جەر تۇرعان جەرمەن ٶلشەنبەيدٸ», «انا تٸلٸم – ارداعىم», «تەۋەلسٸزدٸك – تۇعىرىم» تاقىرىپتارى بويىنشا سٶز جارىستىرادى.
«بٸر بۇل عانا ەمەس. بىلتىرعى وقۋ جىلىنان باستاپ ۋنيۆەرسيتەتتە «ابايتانۋ» كۋرسى ەنگٸزٸلدٸ. بٷگٸندە ستۋدەنتتەرگە ابايتانۋدىڭ باستاۋلارى, اقىننىڭ ٶمٸرٸ مەن شىعارماشىلىق جولى وقىتىلۋدا. بولاشاق پەداگوگتار كۋرس بارىسىندا ابايتانۋ مەسەلەلەرٸنٸڭ دامۋ باعىتتارىمەن, ونىڭ اقىندىق مەكتەبٸمەن جەنە حاكٸمنٸڭ «تولىق ادام» فيلوسوفيياسىمەن تانىسادى. وسى ورايدا قىزدار ۋنيۆەرسيتەتٸنٸڭ پروفەسسورى, فيلولوگييا عىلىمدارىنىڭ دوكتورى رۋدا زايكەنوۆانىڭ «ابايتانۋ» اتتى وقۋلىعى دا جارىق كٶردٸ», – دەپ اتاپ ٶتتٸ پەداگوگيكالىق وقۋ ورنىنىڭ باسشىسى.
