مامىر ايىندا تەڭگە 6,8 پايىزعا نىعايدى. بۇل تۋرالى بٷگٸن ٷكٸمەت وتىرىسىندا ۇلتتىق بانك تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«مامىردا جاھاندىق قارجى نارىقتارىنداعى بەلگٸسٸزدٸك پەن قۇبىلمالىلىققا قاراماستان تەڭگە باعامى 1 اقش دوللارى ٷشٸن 415,16 تەڭگەگە دەيٸن نەمەسە 6,8 پايىزعا نىعايدى. ۇلتتىق ۆاليۋتانىڭ نىعايۋى مۇناي-گاز نارىعىنداعى جوعارى باعا مەن ەكسپورتتاۋشىلاردىڭ سالىق تٶلەمدەرٸنە, جەكە تۇلعالاردىڭ شەتەل ۆاليۋتاسىنا سۇرانىسى تٶمەندەگەندٸكتەن نارىق قاتىسۋشىلارى سەنتيمەنتٸنٸڭ ٶزگەرۋٸنە, رەسەي رۋبلٸ باعامىنىڭ نىعايۋىنا بايلانىستى», - دەدٸ ۇلتتىق بانك تٶراعاسى.
عالىمجان پٸرماتوۆتىڭ اتاپ ٶتۋٸنشە, ۆاليۋتا نارىعىنداعى ۇسىنىس كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمٸن ساتۋى ەسەبٸنەن قوسىمشا قولداۋ تاپتى. ونىڭ كٶلەمٸ مامىردا شامامەن 598 ملن دوللار بولدى.
«بيۋدجەتكە ٸرٸ سالىق تٶلەمدەرٸ كەزەڭٸ مەن ۆاليۋتانى ساتۋدىڭ تيٸستٸ قاجەتتٸلٸگٸ اياسىندا شەتەل ۆاليۋتاسىنىڭ ۇسىنىسى سۇرانىستان اسىپ تٷستٸ. سالىق اپتاسى كەزەڭٸندە ٶتٸمدٸلٸكتٸ قولداۋ جەنە شەتەل ۆاليۋتاسىنىڭ سۇرانىسى مەن ۇسىنىسى اراسىندا قالىپتاسقان تەڭگەرٸمسٸزدٸكتٸ رەتتەۋ ماقساتىندا ۇلتتىق بانك 110,5 ملن دوللارعا شەتەل ۆاليۋتاسىنىڭ ارتىق ۇسىنىسىن ساتىپ الدى», - دەدٸ ول.
