جەنەۆا ۋنيۆەرسيتەتٸنٸڭ عالىمدارى جٷزٸم قۇرامىنداعى فەنولدىق قوسىلىس – رەسۆەراترول ٶكپە قاتەرلٸ ٸسٸگٸن ەمدەيتٸن قاسيەتكە يە ەكەنٸن انىقتادى, دەپ حابارلايدى ريا نوۆوستي Science Daily پورتالىنا سٸلتەمە جاساپ.
بۇل قاسيەتتٸ انىقتاۋ ٷشٸن زەرتتەۋشٸلەر تىشقاندارعا تەجٸريبە جٷرگٸزدٸ. كەمٸرگٸشتەردٸڭ بٸراز بٶلٸگٸن تەمەكٸ تٷتٸنٸندە بولاتىن كانتسەروگەنمەن ۋلايدى. ارتىنشا رەسۆەراترولمەن ەمدەيدٸ. سىناققا قاتىسقان تىشقانداردى تٶرت توپقا بٶلگەن: بٸرٸنشٸ توپقا كانتسەروگەن دە, رەسۆەراترول دا بەرمەپتٸ, ەكٸنشٸ توپقا – ەكٸ زاتتى دا بٸردەن بەرگەن, ال تاعى ەكٸ تىشقانعا ەكٸ زاتتىڭ بٸرەۋٸن عانا بەرٸپتٸ.
عالىمداردىڭ ايتۋىنشا, بۇدان بۇرىن رەسۆەراترولعا جٷرگٸزٸلگەن زەرتتەۋلەر ٶكپە قاتەرلٸ ٸسٸگٸن ەمدەيتٸن قاسيەتٸن انىقتاماعان. ماماندار ونىڭ سەبەبٸن بىلايشا تٷسٸندٸرەدٸ: زات تىشقانداردىڭ اۋزىنا قۇيىلعاندىقتان, ٶكپەسٸنە جەتٸپ ٷلگەرمەگەن. سول كەزدە ولار پروتسەستٸ جەدەلدەتۋ ٷشٸن, زاتتى مۇرىن ارقىلى ەنگٸزٸپ كٶرەدٸ, سوندا عانا رەسۆەراترولدىڭ پايداسى دەلەلدەنەدٸ.
بەلگٸلٸ بولعانداي, "ەم العان" تىشقانداردا ٸسٸكتٸڭ كٶلەمٸ ەكٸنشٸ توپتاعى كەمٸرگٸشتەردٸكٸمەن سالىستىرعاندا 45 پايىزعا كٸشٸرەيگەن.
