تٷركٸستانداعى قوجا احمەت ياساۋي كەسەنەسٸندە قازاق قۇرىلىس جەنە سەۋلەت عىلىمي-زەرتتەۋ ينستيتۋتىنىڭ عالىمدارى زەرتتەۋ, ساراپتاۋ جۇمىستارىن جٷرگٸزۋدە.
قر مەدەنيەت جەنە سپورت مينيسترلٸگٸنٸڭ ۇيىمداستىرۋىمەن قولعا الىنعان شارالار كەسەنە كٷمبەزٸنٸڭ تەحنيكالىق جاعدايىن ساراپتاۋدان ٶتكٸزٸپ, نىساننىڭ قۇرىلىس جاعدايىنا باقىلاۋ جٷرگٸزۋ بولماق, دەپ حابارلايدى "ۇلت اقپارات".
عالىمدار سونىمەن قاتار كەسەنەنٸڭ مٷمكٸندٸگٸنشە تازا قالپىندا ساقتالۋىنىڭ جولدارىن قاراستىرماق. بٷگٸندە اتالعان ينستيتۋت عالىمدارى مەن ارنايى مامانداردان قۇرالعان ساراپشىلار توبى كەسەنە ٸرگەتاسىنان باستاپ كٷمبەزگە دەيٸن ساراپتاۋ جۇمىستارىن جٷرگٸزٸپ جاتىر.
«عالىمدار مەن ماماندار قوجا احمەت ياساۋي كەسەنەسٸنٸڭ قۇرىلىس ماتەريالدارىنىڭ جارامدىلىعى مەن تٶزٸمدٸلٸگٸن, تٷرلٸ ٸشكٸ جەنە سىرتقى ەسەرلەردٸڭ سالدارىنان كەلگەن زيياندى جەنە جۇمىس جٷرگٸزٸلۋٸ تيٸس ايماقتاردى انىقتاپ, ٶز ۇسىنىستارىن دايارلايدى. ەزٸرگە انىقتالعانى كەسەنەنٸڭ ٸرگەتاسى بەرٸك, ٶز قالپىن مىقتى ساقتاپ تۇر. بۇل باعىتتا جٷرگٸزٸلگەن رەستاۆراتسييا جۇمىستارى دا ٶزٸنٸڭ وڭ نەتيجەسٸن بەرگەن. ال, قۇرىلىس عيماراتىنىڭ قابىرعالارى مەن تٷرلٸ بٶلٸكتەرٸنٸڭ سەيسميكاعا, ٶزگە دە جاعدايلارعا تٶزٸمدٸلٸگٸن ارنايى قۇرىلعىلار ارقىلى انىقتاۋ ٷستٸندەمٸز. الىنعان تالداماۋلاردىڭ ناقتى شەشٸمٸ الماتى قالاسىنداعى ورتالىقتا عالىمداردىڭ باسقوسۋىنان كەيٸن قابىلدانىپ, نەتيجەسٸ بەلگٸلٸ بولادى. كەسەنەنٸڭ قۇرىلىس تٶزٸمدٸلٸگٸ تۋرالى قازٸر ايتۋ ەرتە»,- دەيدٸ قازاق قۇرىلىس جەنە سەۋلەت عىلىمي-زەرتتەۋ ينستيتۋتىنىڭ ٶكٸلٸ سىرىمبەك ەرجانوۆ.
ايتا كەتەيٸك, سوڭعى كەزدە قوجا احمەت ياساۋي كەسەنەسٸن كٷتٸپ-ساقتاۋعا باعىتىندا تٷرلٸ شارالار اتقارىلىپ كەلەدٸ. بىلتىرعى جىلى يۋنەسكو حالىقارالىق ۇيىمىنىڭ ماماندارى دا كەسەنەنٸڭ قۇرىلىس جاعدايىنا تالداۋ جٷرگٸزگەن بولاتىن. بيىل دا ەلەم مۇراجايلارىندا مىڭنان استام تاريحي جەنە مەدەني, ەجەلگٸ قولدانبالى ٶنەر ەسكەرتكٸشتەرٸ قالپىنا كەلتٸرٸلگەنٸ بەلگٸلٸ. ال, «قازقايتاجاڭارتۋ» كەسٸپورنىنىڭ ديرەكتورى قانات تۇياقباەۆ بۇل جۇمىستار ەلٸ دە جالعاسا بەرەتٸنٸن ايتادى. الداعى ۋاقىتتا كەسەنەگە زيياندى ەسەر بەرەتٸن جەر تەربەلٸسٸ, تٷرلٸ سٸلكٸنٸستەردٸڭ كٶرسەتكٸشٸن باقىلايتىن قۇرىلعىلار قازاق قۇرىلىس جەنە سەۋلەت عىلىمي-زەرتتەۋ جەنە جوبالاۋ ينستيتۋتى ارقىلى دا باقىلاناتىن بولادى.
